काठमाडौ- भारतको चर्चित चलचित्र 'शोले'मा 'कालिया'को भूमिका निर्वाह गर्ने कलाकार बिजु खोटेको निधन भएको छ। कलाकार खोटेको ७८ वर्षको उमेरमा सोमबार निधन भएको हो। उनी लामो समयदेखि बिरामी थिए।
सोमबार बिहान मुम्बईस्थित आफ्नै घरमा उनको मृत्यु भएको बिबिसी हिन्दीले लेखेको छ।
भारतको चर्चित चलचित्र शोलेमा खोटेले अमिताभ बच्चन, धर्मेन्द्र सिंह, सन्नि देवलसँग काम गरेका थिए। त्यस चलचित्रमा एक खलपात्र निकै चर्चित छन्। ती थिए-गब्बर। गब्बरको सहयोगीको रुपमा कालियाले चलचित्रमा भूमिका निर्वाह गरेका छन्।
त्यस चलचित्रको मुख्य डाइलगमध्ये कालियाले बोलेको डाइलग अझै पनि उत्तिकै चर्चित छ। त्यो थियो- ‘हमने आपका नुन खाया हे सरकार।’ यस्तै कालियासँग जोडिएका अन्य डाइलग ‘कित्ने आद्मी थे कालिया, अब तेरा क्या होगा कालिया’ हुन्।
बिजु खोटेले हिन्दीबाहेक मराठी चलचित्रमा पनि काम गरेका थिए।
शोलेले दिलाएको पहिचान
शोलेको गब्बर सिंहको डाइलगपछि डराएको एक व्यक्तिको रुपमा उनी चर्चित भए। बिजु खोटेको कालियाको भूमिका छोटो थियो तर आज पनि मानिसहरु उनलाई सम्झिइरहन्छन्।
उक्त भूमिकाले फिल्मका प्रशंषकहरुको दिलमा यस्तो छाप छोड्यो कि मानिसहरु अहिले पनि कालियाको डाइलग भन्ने गर्दछन्। सन् १९९४ मा राजकुमार सन्तोषीको फिल्म 'अन्दाज अपना अपना'मा उनी अमिर खान र सलमान खानसँगै देखिएका थिए। सो चलचित्रमा पनि उनी रोवर्टकोे भूमिकामा चर्चित भएका थिए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1786513116.png)
