काठमाडौं- नेपाल नागरिकता ऐन २०६३ लाई संशोधन गर्न बनेको विधेयकको अंगीकृत नागरिकताका विषयमा कांग्रेसले संस्थागत रुपमा फरक प्रस्ताव पेस गरेपछि एक वर्षदेखिको विवाद पुनः लम्बिएको छ।
प्रतिनिधिसभा अन्तर्गतको राज्य व्यवस्था तथा सुशासन समितिमा दफावार छलफल भइरहेको विधेयकको उक्त प्रावधानमा नेपाली कांग्रेसका सांसद एवम् संसदको राज्य व्यवस्था तथा सुशासन समिति सदस्य अमरेशकुमार सिंहले सुरुदेखि नै फरक मत राख्दै आएका छन्। नेपाल लाइभको कुराकानीमा उनले आफ्ना कारण नभई सत्तापक्षका कारण नागरिकता विधेयकको विवाद बढेको बताएका छन्।
वैवाहिक अंगीकृत नागरिकताका विषयमा सरकारले दोहोरो चरित्र देखाएको उनको आरोप छ। नेपाल लाइभसँगको कुराकानीमा सिंहले सरकारद्वारा सत्ता पक्षकै सांसदबाटै यो प्रतिवेदन ल्याइएको बताए। वैवाहिक अंगीकृत नागरिकताका सवालमा सरकारले अघि सारेका तीन विकल्प समिति सभापति शशी श्रेष्ठको पहलमै ल्याइएको उनको भनाइ छ।
समितिकी सभापति श्रेष्ठ सुरुदेखि नै नागरिकताविरोधी क्याम्पियनको नेता भएको समेत सांसद सिंहको आरोप छ। त्यसमा श्रेष्ठ २०४० सालदेखि नै लागी परेको उनले दाबी गरे।
समितिकी सभापति श्रेष्ठले नागरिकता विधेयकमा पहिले जुन विषयमा सहमति हुन्छ त्यसमा छलफल गर्दै जाने र असहमतिको विषयमा अन्त्यमा छलफल गर्ने भनेपछि वैवाहिक अंगीकृत नागरिकताको विषय अहिले छलफलमा सांसद सिंहले बताए। तर, अहिले कांग्रेसका कारण विधेयक पेस हुन ढिलाइ भएको भन्ने आरोपमा कुनै सत्यता नभएको उनको तर्क छ।
नेपाल लाइभकी पुष्षा केसीसँग सांसद सिंह गरेको विस्तृत कुराकानी भिडियोमाः
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
