राजविराज– शान्ति सुरक्षा, अन्तराष्ट्रिय शान्ति स्थापना, प्राकृतिक सम्पदाको संरक्षण तथा राष्ट्रको विकास निर्माणलगायतका काममा खटिँदै आएको नेपाली सेनाले जनसम्पर्क सुदृढीकरणलाई पनि प्राथमिकतामा राख्न थालेको छ।
यसैक्रममा मंगलबार सप्तरी सरदमुकाम राजविराजमा नेपाली सेनाले ‘तराई मधेशका संचारकर्मी तथा नागरिक प्रतिनिधिसँग अन्तरक्रिया’ गरेको छ। नेपाली सेनाको श्रव्यदृष्य महाशाखा र भीमदल गणले संयुक्त रुपमा आयोजना गरेको कार्यक्रममा नागरिक र सेनाको सम्बन्ध सहज बनाउने विषयमा छलफल भएको थियो।
यसैगरी, विकास निर्माण, दैवीप्रकोप तथा समस्याका बेला नेपाली सेनाको काम अझ परिष्कृत बनाउने विषयमा समेत आयोजकले सुझाव लिएका थिए। ‘सेनाको बारेमा कहिलेकाही भ्रम पनि सृजना हुन्छ’ प्राविधिक महासेनानी ईश्वर कुमार श्रेष्ठले भने, ‘यस्ता भ्रमलाई हटाउन र सेनालाई नागरिकमैत्री बनाउन यस्ता कार्यक्रम सुरु गरिएको हो।’
नागरिकसँग सहज सम्बन्ध स्थापना गर्दा विपद जोखिम न्यूनीकरणमा सेनाले अपेक्षाभन्दा बढी काम गर्ने गरेको महासेनानी सोवेन्द्र महतले बताए। उनले भने, ‘सेनालाई अझ कर्तब्यनिष्ठ वनाउन नागरिकको थप सहयोग आवश्यक छ।’
कार्यक्रममा प्राविधिक प्रमुख सेनानी प्रद्युम्न पौडेल, सेनानी रविन अधिकारी, सह सेनानी अनिल यादव लगायतले सेना र नागरिकको विचमा सहज सम्वन्ध स्थापनाका लागि सुझाव तथा उठेका सवालको जवाफ दिएका थिए।
कार्यक्रममा नेपाली सेनाले विभिन्न समयमा गरेका विकास निर्माण, उद्धार तथा साहतका वृत्तचित्र र लघुफिल्म प्रस्तुत गरिएको थियो।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1791950786-1793201567.png)
-1786602170.png)
