काठमाडौं- सत्तारूढ नेपाल कम्युनिस्ट पार्टी (नेकपा)ले बैठकले २२ जनवर्गीय संगठनका इन्चार्ज, सह–इन्चार्जका साथै विशेष कमिटीमा रहने नेता निर्धारण गरेको छ।
आइतबार प्रधानमन्त्री निवास बालुवाटारमा बसेको सचिवालय कमिटीको बैठकले नेताहरूको जिम्मेवारी निर्धारण गरेको हो।
नेकपाले जनवर्गीय संगठन युवा, महिला र मजदुरलगायत पनि टुंगो लगाएको छ।
पार्टीका प्रवक्ता नारायणकाजी श्रेष्ठका अनुसार केन्द्रीय सम्पर्क समन्वय कमिटी समेत गठन गरेको छ। कमिटीको इन्चार्जमा छविलाल विश्वकर्मा, सहइन्चार्जमा डिलाराम आचार्य, अध्यक्षमा विजय गुरुङ, सचिवमा झक्कु सुवेदी रहेका छन्।
बैठकले उपत्यका विशेष कमिटीको इन्चार्जमा लिलामणी पोखरेल, सहइन्चार्जमा भानुभक्त ढकाल र अरुण नेपाल, अध्यक्षमा राजन भट्टराई, सचिवमा लेखनाथ न्यौपानेलाई जिम्मेवारी दिइएको छ।
ट्रेड युनियन महासंघको इन्चार्जमा जयपुरी घर्ती र सहइन्चार्जमा विनोद श्रेष्ठ, अखिल नेपाल किसान महासंघको इन्चार्जमा वामदेव गौतम र सहइन्चार्जमा सुनिल मानन्धरलाई जिम्मेवारी दिइएको छ। यसअघि अध्यक्षमा वामदेव गौतमलाई राखिएको थियो। त्यसमा हरि पराजुलीलाई राखिएको छ।
अखिल नेपाल महिला संघको इन्चार्जमा गोमा देवकोटा र सह इन्चार्जमा कमला रोक्का, राष्ट्रिय संघ युवा नेपालको इन्चार्जमा महेश बस्नेत र सहइन्चार्जमा रामप्रसाद सापकोटा, अखिल नेपाल राष्ट्रिय स्वतन्त्र विद्यार्थी युनियनको इन्चार्जमा हितमान शाक्य, सह इन्चार्जमा विनोद ढकाल, नेपाल बुद्धिजीवी संगठनको इन्चार्जमा अग्नीप्रसाद सापकोटा र सहइन्चार्जमा टंक कार्की, पेशागत महासंघ नेपालको इन्चार्जमा पम्फा भुसाल र सहइन्चार्जमा विश्वनाथ प्याकुरेल रहेका छन्।
युवा विद्यार्थी विशेष जिल्ला कमिटीको इन्चार्जमा माधव ढुगेंल, सहइन्चार्ज कृष्ण केसी, अध्यक्ष रमेश मल्ल र सचिव सुनिता बराल, मजुर विशेष जिल्ला कमिटीमा इन्चार्ज विणा श्रेष्ठ, सहइन्चार्ज कुमार पौडेल, अध्यक्ष जगत सिङखडा र सचिव नवराज लुइटेल रहेका छन्।
पेशागत विशेष जिल्ला कमिटीमा इन्चार्जमा केशव प्रसाद नेपाल, सहइन्चार्ज प्रेमल खनाल, अध्यक्ष प्रेम पराजुली र सचिव कृष्ण राज केसी, उद्योगी व्यवसायी विशेष जिल्ला कमिटीमा इन्चार्ज पार्वती गुरुङ, सहइन्चार्ज शशी श्रेष्ठ, सचिव चन्द्र रिजाललाई पार्टीले जिम्मेवारी दिएको छ।
त्यस्तै सात प्रदेश सम्पर्क कमिटीको पनि जिम्मेवारी बाँडफाँड गरेको छ। त्यसमा प्रदेश १ मा इन्चार्ज किशोर अधिकारी, सहइन्चार्ज हेमकुमार राई, अध्यक्ष इन्द्रकुमारी भण्डारी, सचिव ध्रुवकुमार आङदम्बे, प्रदेश २ मा इन्चार्ज अच्युत मैनाली, सहइन्चार्ज भरत साह, अध्यक्ष सुनिता यादव र सचिव विल्टु यादव,लाई जिम्मेवारी दिइएको छ।
यस्तै प्रदेश ३ मा इन्चार्ज गणेश पहाडी, सहइन्चार्ज युवराज दुलाल, अध्यक्षमा कमला दोङ र सचिवमा श्याम बस्नेत, गण्डकीमा इन्चार्ज दिल्लु पन्त, सहइन्चार्जमा चुडामणि खड्का, अध्यक्ष तारा कुमाल र सचिव विष्णु सिग्देललाई पार्टीले जिम्मेवारी दिएको छ।
प्रदेश ५ मा इन्चार्ज मानबहादुर बुढा, सहइन्चार्जमा गौरा प्रसाद कोइराला, अध्यक्षमा थानेशवर बस्याल र सचिवमा सुनिता रोकया, कर्णाली प्रदेशमा इन्चार्ज जगबहादुर मल्ल, सह इन्चार्जमा गोविन्द विक्रम साह, अध्यक्षमा पूर्णबहादुर मल्ल र सचिवमा चित्रबहादुर धर्तीमगर, सदुरपश्चिम प्रदेशमा इन्चार्ज गौरीशंकर चौधरी, सहइन्चार्ज महेश्वर पाठक, अध्यक्ष शिव ठगुला र सचिवमा हेमन्त जोशलाई जिम्मेवारी दिएको छ।
शुक्रबार बसेको सचिवालय बैठकले ३३ विभागका प्रमुख र उपप्रमुख टुंग्याएको थियो।
सोही बैठकले अध्यक्षपछिको दोस्रो वरीयता वरिष्ठ नेता झलनाथ खनालको हुने समेत निर्णय गरेको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1788430671.jpg)
-1786602170.png)
-1786513116.png)
-1788425345.png)
