काठमाडौं- कोकाकोलाले २५० एमएलको 'जिग्री प्याक' सार्वजनिक गरेको छ। देशभरका ग्राहकहरुको लागि पेय पदार्थको अनुभव अझै विशेष बनाउन २५० एमएलको हलुका र बोक्नलाई सजिलो प्याक सार्वजनिक गरेको बोटलर्स नेपाल लिमिटेडले जनाएको छ।
यो प्याक उपभोक्ता मैत्री भएकाले कोकाकोलाले यसलाई 'जिग्री प्याक'को नाम दिएको जनाएको छ। जिग्री प्याकमा प्याकेजिङ उद्योगको सबैभन्दा नवीनतम प्रविधिको प्रयोग गरिएको छ।
बोटलर्स नेपाल लिमिटेडले स्टेट अफ आर्ट प्रविधिमा लगानी गरेपश्चात् नेपाल विश्वभरमै यस्तो क्षमता हुने तेस्रो देश भएको छ।
जिग्री प्याक उपभोक्तामैत्री तथा वातावरणमैत्री पनि छ। कम्पनीका अनुसार यो अल्ट्रा लाइट बोतल हो र अन्य पिइटी बोतलजस्तै यो रिसाइकल पनि हुन्छ। कोकाकोलाले हलुका, पुनः शिलबन्दी गर्न मिल्ने, लाइट वेट तथा नफुट्ने बोतल भएको पेयपदार्थका लागि यो प्रविधिको प्रयोग गरेको जनाएको छ। साथै यसको विस्तारित आयु ६ महिनासम्म रहेको छ।
उपभोक्ताहरुले अब आफूलाई मनपर्ने कोकाकोला, स्प्राइट तथा फान्टाको नयाँ जिग्री प्याक खरिद गर्न सक्नेछन्।
जिग्री प्याक सार्वजनिक गरिएको अवसरमा नेपालका लागि कोकाकोलाका कन्ट्री डाइरेक्टर अम्बुज सिंहले भने, 'हामी ग्राहकहरुका लागि कोकाकोला, स्प्राइट र फान्टाको उपयुक्त प्याक ल्याउन पाउँदा अत्यन्तै खुसी छौं। जिग्री प्याकले नवीनतम प्रविधिमार्फत एकसाथ ग्लास बोतल र पिइटी बोतलको लाभ एउटै प्याकमा प्रदान गर्दछ। ग्राहकहरुले हाम्रो ब्राण्डप्रति देखाएको मायाका लागि म आभार प्रकट गर्न चाहन्छु र मलाई विश्वास छ कि ग्राहकहरुले जिग्री प्याकलाई पनि उत्तिकै मन पराउनु हुनेछ।'
बोटलर्स नेपाल लिमिटेडका प्रवन्ध निर्देशक प्रदीप पाण्डेले भने, 'कम्पनी स्टेट अफ आर्ट प्रोडक्ट लाइनमा लगानी गर्न पाउँदा निकै प्रसन्न छौं र हामी जिम्मेवार तथा दिगो व्यवसायमा प्रतिबद्ध छौं। यो नवीनतम प्रविधिमार्फत् हामी वातावरणमैत्री बन्नका साथै उपभोक्तालाई पनि सुविधा प्रदान गर्न सक्छौं।'
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
