वासिङ्टन- संयुक्त राज्य अमेरिकाको एक निजी कम्पनीले एकै साथ २४ वटा भू-उपग्रह पृथ्वीको कक्षमा राख्न सफलता हासिल गरेको छ।
विश्वकै धनाढ्य एलन मस्कको अगुवाईमा स्थापित स्पेस-एक्स कम्पनीको फाल्कन हेभी रकेट मंगलबार सफलतापूर्वक प्रक्षेपण गरिएको थियो। निकै कठिन मानिएको यस अभियान सफल भएको कम्पनीले जनाएको छ।
अमेरिकी समय अनुसार मंगलबार बिहान २ः३० बजे फ्लोरिडा राज्यको केनेडी अन्तरीक्ष केन्द्रबाट फाल्कन हेभी प्रक्षेपण गरिएको थियो। फाल्कन हेभीको यो तेस्रो प्रक्षेपण हो।
स्पेस-एक्स कम्पनीले यो इतिहासमै निकै चुनौतीपूर्ण प्रक्षेपण रहेको र यस अभियानमा करिब ६ घन्टा लागेको थियो।
स्पेस-एक्सका अनुसार गत अप्रिलमा फाल्कन हेभीको परीक्षण उडानमा प्रयोग गरिएको बुस्टरलाई पनि यसपटक पुनः प्रयोग गरिएको थियो।
अन्तरीक्षमा भू-उपग्रह स्थापनामा केन्द्रित गरिरहेको स्पेस-एक्सले निकट भविष्यमै मानिसलाई अन्तरीक्ष पर्यटनमा लैजाने योजना अघि बढाएको छ। रासस/सिन्ह्वा
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1791520578.jpg)
-1786602170.png)
