अब उपत्यकामा मेलम्चीको पानी दैनिक १७ करोड लिटर वितरण हुने

अर्थ समाचार

नेपाल लाइभ सोमबार, वैशाख ६, २०७८, १४:१४

काठमाडौं- मेलम्ची खानेपानी आयोजनाको सोमबारदेखि दैनिक १७ करोड लिटर पानी वितरण गर्ने भएको छ। चैत १७ गतेबाट साढे आठ करोड लिटर खानेपानी वितरण गरिएको थियो। सोमबारबाट थप साढे ८ करोड पानी वितरण सुरु भएको आयोजनाले जनाएको छ।

काठमाडौं उपत्यका खानेपानी लिमिटेडका अनुसार काठमाडौंका सातवटै ट्यांकीबाट पानी वितरण सुरू भएको छ।

‘पहिलो चरणमा सुन्दरीजलस्थित दुई प्रशोधन केन्द्रमध्ये एउटा केन्द्र मात्रै पानी वितरण गरिएकोमा अहिले अर्को प्रशोधन केन्द्रबाट पनि पानी वितरण सुरु गरिुएको हो,’ आयोजना प्रमुख तिरेश खत्रीले भने,‘रिङरोडभित्र पानी वितरण भइरहेको छ। अब रिङरोडबाहिर कीर्तिपुरमा पनि पानी वितरण गर्ने तयारी भएको छ।’