काठमाडौं–सिन्धुपाल्चोकको जुगल गाउँपालिका २ लिदिमा आज बिहान गएको पहिरोमा परेर ५ घर पुरिएका छन्। पहिरोले लामा गाँउ पुरिँदा ती घरका सबै सदस्य सम्पर्कविहीन भएका छन्। यस्तै, १५ जना घाइते भएका छन्।
नेपाली सेनाले घटनास्थल पुगेर उद्धार थालेको छ। पहिलो चरणमा २ महिला र २ पुरुषलाई हेलिकोप्टरमार्फत् उपचारका लागि काठमाडौं ल्याइएको छ। उद्धार जारी भए पनि गाउँमाथिबाट खसिरहेको सुख्खा पहिरोले समस्या पारेको जनाइएको छ। प्रतिनिधि सभाका सभामुख अग्निप्रसाद सापकोटा पनि घटनास्थलको निरीक्षण गरेका छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1782224905-1782225890.jpeg)
