फुटबल

चिटिक्क रंगशाला [तस्बिरहरू]

काठमाडौं- नेपाल, बंगलादेश र कीर्गिस्तानको यु २३ टिमबीच हुने ‘थ्री नेसन्स कप’ फुटबल प्रतियोगिताको तयारी पूरा भएको छ।

त्रिपुरेश्वरस्थित दशरथ रंगशालामा हुने खेलका लागि रंगशाला ‘चिटिक्क’ पारिएको छ। मैदानमा दुबो राम्रो उमारेर मैदान हेर्नलायक बनाएको देखिन्छ।

चैत १० गतेदेखि १६ गतेसम्म सञ्‍चालन हुने प्रतियोगितामा पहिलो खेल बंगलादेश र कीर्गिस्तान यु २३ टिमबीच मंगलबार साँझ ५:३० बजे सुरु हुनेछ। एन्फाले निकालेको तालिकाअनुसार नेपालले आफ्नो पहिलो खेल १२ गते कीर्गिस्तानको यु-२३ टिमसँग खेल्नेछ।

नेपालले चैत १४ गते बंगलादेशसँग लिगचरणको अन्तिम खेल खेल्नेछ। अंक तालिकाको शीर्ष दुई टिमले फाइनलमा प्रतिस्पर्धा गर्ने छन्। फाइनल खेल १६ गते दशरथ रंगशालामा हुनेछ। प्रतियोगिताको लागि आफूहरु तयार रहेको नेपाली टोलीका प्रशिक्षक बालगोपाल महर्जनले बताएका छन्।