उपत्यकामा ४ दिनमै भित्रिए १७ हजार भन्दा बढी खसी 

नेपाल लाइभ | २०७६ असोज १७ शुक्रबार | Friday, October 04, 2019 १०:३५:०० मा प्रकाशित

काठमाडौं- देशका विभिन्न जिल्लाबाट दसैंका लागि मात्रै ४ दिनमा १७ हजार भन्दा बढी खसी तथा बोका उपत्यका भित्रिएका छन्।

कृषि तथा पशुपक्षी विकास मन्त्रालयका अनुसार असोज १३देखि १६ गतेसम्म गरी १७ हजार ३ सय ५९ वटा खसी तथा बोका उपत्यका भित्रिएको हो।

जसमा १३ गते २ हजार ५ सय ४१, १४ गते ३ हजार ५ सय ४७, १५ गते ५ हजार २ सय २४ र १६ गते ६ हजार ४७ वटा खरी तथा बोका उपत्यका भित्रिएको हो।

यसैगरी ४ दिनकै अवधिमा च्यांग्रा १ हजार ९ सय ९९, भेडा  १ सय ४९, राँगा तथा भैसी ५ सय २० र बोइलर १ हजार ८ सय ३४ वटा भित्रिएको छ।