काठमाडौं- उत्पादनमूलक उद्योगलाई प्रोत्साहन गर्ने नीति तत्काल कार्यान्वयन गर्न नेपाल उद्योग वाणिज्य महासंघले सरकारसँग माग गरेको छ।
महासंघकी अध्यक्ष भवानी राणाले सरकारले चालू आर्थिक वर्षको बजेट तथा नीति, कार्यक्रममा उत्पादनमूलक उद्योगमा प्रोत्साहनको नीति लिने उल्लेख गरे पनि त्यसको कार्यान्वयन अझै हुन नसकेको उल्लेख गर्दै असन्तुष्टि पनि व्यक्त गरिन्।
शुक्रबार ललितपुरको पाटनमा आयोजित ललितपुर उद्योग वाणिज्य संघको ४०औं वार्षिक साधारण सभामा बोल्दै उनले स्वदेशी उद्योगलाई अघि बढाउन सरकारले आवश्यक वातावरण बनाउन नसकेको गुनासो पनि गरिन्। अध्यक्ष राणाले ललितपुर जिल्लालाई 'हस्तकला जिल्ला'को रुपमा घोषणा गर्न पनि सरकारको ध्यानाकर्षण गराइन्।
अध्यक्ष राणाले ललितपुर जिल्लालाई हस्तकला जिल्लाको रुपमा घोषणा गर्न सके त्यसले ‘नेपाल भ्रमण वर्ष २०२०’लाई सफल बनाउन पनि सहयोग पुग्ने विश्वास व्यक्त गरिन्। (फाइल तस्बिर)
नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।