ad

विराटनगरबाट लागुऔषधसहित १ जना पक्राउ

नेपाल लाइभ

Nepal Live

विराटनगर– मोरङको विराटनगर महानगरपालिका–१५ भन्सार कार्यालयको १ नम्बर ढाटबाट आइतबार प्रहरीले लागुऔषधसहित १ जनालाई पक्राउ गरेको छ।

लागुऔषध नियन्त्रण ब्युरो विराटनगरबाट खटिएको प्रहरी टोलीले सुनसरीको धरान उपमहानगरपालिका–१६ का २७ वर्षीय मदन लिम्बुलाई पक्राउ गरेको हो।

भारतबाट नेपालतर्फ आउँदै गरेका लिम्बुको साथबाट एभिल २० एम्पुल, डाइजेल्याव २० एम्पुल र लुपिजेसिक २० एम्पुल बरामद भएको प्रहरीले जनाएको छ।

उनले टेपले ढाडमा बाँधेर लागुऔषध ओसारपसार गरिरहेको पाइएपछि नियन्त्रणमा लिइएको इलाका प्रहरी कार्यालय रानीले जनाएको छ।
 

प्राप्त प्रतिकृयाहरू

यसमा तपाइको मत


पढ्नै पर्ने