ad

पाँच मिनेट बसेर बिना निष्कर्ष सकियो कांग्रेस बैठक, भोलि २ बजे फेरि बस्ने

नेपाल लाइभ

Nepal Live

काठमाडौं- नेपाली कांग्रेस केन्द्रीय कार्यसमितिको बैठक पाँच मिनेट बसेर बिना निष्कर्ष टुंगिएको छ। भोलि अाइतबार दिउँसो २ बजे बस्ने गरी कांग्रेस केन्द्रीय समितिको बैठक बिना निष्कर्ष टुंगिएको हो।

अाइतबार नै नेपाली कांग्रेसको भातृ संगठन नेविसंघको कार्यकाल समापन हुन लागेकाले वर्तमान कार्यसमितिको पदावधि थप गर्ने नगर्ने विषयमा विवाद भएकाले बिना निष्कर्ष बैठक टुंगिएको हो।

कांग्रेसको संस्थापन पक्ष वर्तमान कार्यसमिति थप गर्नुपर्ने पक्षमा छ भने रामचन्द्र पौडेल पक्ष तदर्थ समिति गठन गर्नुपर्ने र त्यसको नेतृत्व अाफूहरुले पाउनुपर्ने माग गरेको छ। यसैगरी कृष्णप्रसाद सिटौला पक्ष भने तत्काल महाधिवेशन गर्नुपर्ने पक्षमा छ। 

कांग्रेस बैठक पाँच बसेपनि पार्टीका गुटबीच भने छलफल लामै समय चलेको थियो। 

विद्यार्थीका नाराबाजीका कारण कांग्रेस मुख्यालय दिनभर तनावग्रस्त बनेको थियो। यसैक्रममा पार्टीका नेता र विद्यार्थी कार्यकर्ताबीच भनाभन समेत चलेको थियो।

प्राप्त प्रतिकृयाहरू

यसमा तपाइको मत


पढ्नै पर्ने