ad

मौसम अनुसार रङ फेर्छ कुपिण्डे दह [फोटो फिचर]

रोशनमान श्रेष्ठ

Nepal Live

दाङ– सल्यान सदरमुकाम खलंगाबाट करिब २० किलोमिटरको दुरीमा पर्छ कुपिण्डे दह।मौसम अनुसार रङ बदल्ने दहका साथै यहाँ रहेको बराह बाबाको मन्दिर आन्तरिक पर्यटकका लागि मुख्य आकर्षण हो।

पछिल्लो समय उत्कृष्ट पिकनिक स्पटका रुपमा पनि विकास हुन थालेको छ। सल्यानसहित दाङ, रुकुम, रोल्पाका साथै सुर्खेत, बाँके, बर्दिया, जाजरकोजबाट समेत दह अवलोकनका लागि आन्तरिक पर्यटक आउने गरेका छन्।

अग्ला पहाड र हरियाली जंगलले घेरिएको कुपिण्डे दहको दृश्य मनै लोभ्याउने खालको छ। यो ताल २४ हेक्टर क्षेत्रफलमा फैलिएको छ। 

भर्खरै विवाह गरेका नवदम्पती तथा सन्तान नभएकाहरु यहाँ आई वराहदेवको पूजा गरेमा सन्तान प्राप्त हुने जनविश्वास छ। मंसिर शुक्ल पूर्णिमा, माघे संक्रान्ति र बैसाख पूर्णिमाका दिन यहाँ विशेष मेला लाग्छ।

सल्यानको खलङ्गादेखि बालुवासंग्रही सडकको सुधारसँगै पर्यटकको संख्यामा वृद्धि हुन थालेको मन्दिरका पुजारी तिलक गोसाइँ बताउँछन्।

कुपिण्डे दह संरक्षण तथा पर्यटन विकास केन्द्रका अनुसार वार्षिक २५ हजार बढी आन्तरिक तथा बाह्य पर्यटक यहाँ आउने गरेका छन्। 

नेपाल सरकारले थप गरेको नयाँ पर्यटकिय गन्तव्यको सूचीमा यो ताल पनि परेको छ। त्यसो त पर्यटकहरुलाई आकर्षित गर्न यस क्षेत्रको प्राकृतिक सुन्दरता नै पर्याप्त छ।

तर यहाँसम्म आउने पर्यटकलाई खानपान र बासको व्यवस्थासँगै सडक सुधार हुन सके वास्तवमै यो एक उत्कृष्ट गन्तव्य बन्न सक्छ।


 

प्राप्त प्रतिकृयाहरू

यसमा तपाइको मत


पढ्नै पर्ने