ad

जनकपुरधामलाई स्वास्थ्य सेवाको केन्द्र बनाउने : स्वास्थ्य मन्त्री यादव

नेपाल लाइभ

Nepal Live

जनकपुर– उपप्रधान एवं स्वास्थ्य तथा जनसंख्या मन्त्री उपेन्द्र यादवले जनकपुरधामलाई स्वास्थ्य सेवाको केन्द्र बनाउने बताएका छन्।

अमेरिकी सरकारको सहयोगमा जनकपुर अञ्चल अस्पताल परिसरमा निर्माण हुन लागेको प्रसुती गृहको आज शिलान्यास गर्दै उपप्रधानमन्त्री यादवले अस्पताललाई स्तरोन्नती आवश्यक रहेको बताए।

उनले विभिन्न विशेषज्ञ सेवा सञ्चालनको प्रयास समेत भइरहेको बताउँदै भने, ‘प्रादेशिक स्तरको आयुर्वेद अस्पताल समेत जनकपुर मै निर्माण गर्न लागिएको छ। जनकपुरको सरसरफाईमा सुधार ल्याउन जनकपुरबासीसँग आग्रह गर्दछु।’

८ करोडको लगानीमा निर्माण हुन लागेको एक सय सैयाको प्रसुति गृहमा उच्च स्तरको सेवा प्रदान गरिने अस्पतालका मेसु राम यादवले जनाए।

भवन सहित अन्य उपकरण र सुविधाको लागि अमेरिकी सरकारले १ अर्ब रुपैयाँ अनुदान उपलब्ध गराएको बताइएको छ ।

शिलान्यास कार्यक्रममा मुख्यमन्त्री लालबाबु राउत, भौतिक पूर्वाधार तथा विकास मन्त्री जितेन्द्र सोनल र समाजिक विकास मन्त्री नवलकिशोर साह र अमेरिकी प्रतिनिधि लगायतको उपस्थिति थियो।


 

प्राप्त प्रतिकृयाहरू

यसमा तपाइको मत


पढ्नै पर्ने