सन्दीप लामिछाने पुन: दिल्ली डेयरडेभिल्समा

नेपाल लाइभ | २०७५ कार्तिक २९ बिहीबार | Thursday, November 15, 2018 १४:३४:३७ मा प्रकाशित

काठमाडौं– नेपाली राष्ट्रिय क्रिकेट टिमका युवा लेग स्पिनर सन्दीप लामिछाने इन्डियन प्रिमियर लिग (आइपिएल) टी–२० क्रिकेट प्रतियोगितामा पुन: दिल्ली डेयरडेभिल्सबाट खेल्ने भएका छन्।

_x000D_ _x000D_

आगामी मार्च २३ बाट सुरु हुने १२औं सिजनको आइपिएलका लागि दिल्लीले सन्दीपलाई 'रिटेन' गर्ने भएको हो। सन्दीपले गत सिजन दिल्लीबाट खेल्दै आइपिएल खेल्ने पहिलो नेपाली क्रिकेटरको इतिहास बनाएका थिए। 

_x000D_ _x000D_

दिल्लीले सन्दीपसहित १४ खेलाडीलाई रिटेन गरेको छ। नयाँ खेलाडीको रुपमा शिखर धवनलाई ५ करोड २० लाख भारुमा भित्र्याएको छ। दिल्लीको टिमबाट गौतम गाम्भिर, जासन रोय, ग्लेन म्याक्सवेल जस्ता खेलाडी भने बाहिरिएका छन्। सन्दीप गत सिजन ३२ लाख रुपैयाँमा दिल्लीमा आबद्ध भएका थिए। 

_x000D_ _x000D_

दिल्लीले राखेका र छाडेका खेलाडी

_x000D_ _x000D_

_x000D_ _x000D_

सन्दीप गत महिना मात्र अस्ट्रेलियाको ‍बिग बास लिग (बिबिएल)मा आवद्ध भएका थिए। उनी मेलबर्न स्टार्ससँग आवद्ध भएका थिए। उनी पहिलो सत्रमा आगामी डिसेम्बर १० मा मेलवर्न टिममा सहभागी हुनेछन्। 

_x000D_ _x000D_

यस्तै गत महिना नै उनी बंगलादेश प्रिमियर लिग (बिपिएल) टिममा आबद्ध थिए। उनी बिपिएलमा सिल्हेट टिमसँग आवद्ध भएका थिए। बिपिएलको समाप्तीपछि उनी पुनः अष्ट्रेलिया फर्किने बताइएको छ।

_x000D_ _x000D_

बिबिएलमा उनको पारिश्रमिकका विषयमा भने अझै टुंगो लागिसकेको छैन। बिपिएलका कारण पुरा खेल खेल्न नपाउने हुँदा सन्दीपले ६० हजार डलरसम्म पाउनसक्ने बताइएको छ।सन्दीप पाकिस्तान प्रिमियर लिग (पिसिएल) को पनि ड्राफ्टमा छन्। पिसिएलको अक्सन हुन बाँकी छ। 

_x000D_ _x000D_

_x000D_ _x000D_

सन्दीपले गत सिजनको आइपिएल खेलेपछि विश्वभरबाट चर्चा बटुलिरहेका छन्। दिल्लीको टिममा आबद्ध भए पनि उनले सुरुवाती खेलमा मौका पाउन सकेनन्। लगातार कमजोर प्रदर्शन गरेको दिल्ली आइपिएलको पहिलो चरणबाटै बाहिरिएपछि सन्दीपले बाह्रौं खेलमा मौका पाए। सन्दीपले आइपिएलका पछिल्ला ३ खेलमा ५ विकेट लिएका थिए। 

_x000D_ _x000D_

आइपिएलकै दौरान सन्दीपले विश्व क्रिकेटमा अर्को महत्वपूर्ण अवसर पाए। अन्तर्राष्ट्रिय क्रिकेट काउन्सिल (आइसिसी) उनलाई विश्वका स्टार खेलाडीहरुको टिममा राखेको थियो। वेस्ट इन्डिजविरुद्धको एकदिवसीय मैत्रीपूर्ण खेलका लागि आइसिसी विश्व ११ टिममा पनि सन्दीपले स्थान पाए।

_x000D_ _x000D_

सन्दीप आइपिएलका लागि छनोट भएलगत्तै वेस्ट इन्डिजको क्यारेबियन प्रिमियर लिग (सिपिएल) टिम सेन्ट किट्स एन्ड नाभिस प्याट्रिओट्समा आबद्ध भएका थिए। ५ हजार डलरमा आबद्ध भएका उनी गत महिना नेदरल्यान्डविरुद्धको एकदिवसीय सिरिज खेलेर वेस्ट इन्डिज पुगे। जहाँ उनले उत्कृष्ट प्रदर्शन गर्ने क्रममा ५ खेलमा ७ विकेट लिन सफल भए। 

_x000D_ _x000D_

सन्दीपले जुनमा आयोजना भएको ग्लोबल टी–२० क्यानडा लिगमा पनि समावेश भएका थिए। उनलाई मोन्ट्रियल टाइगर्सले ४० हजार डलरमा भित्र्याएको थियो। जहाँ उनले ५ खेलमा ८ विकेट लिएका थिए।

_x000D_ _x000D_

_x000D_ _x000D_

सन्दीपको व्यावासायिक करिअर यतिकैमा रोकिएन। उनी गत महिना अफगानिस्तान प्रिमियर लिग (एपिएल) का लागि समेत छनोट हुन सफल भए। युएईको दुबईमा भएको अक्सनमा सन्दीपलाई नान्गहरले आफ्नो टिममा १५ हजार अमेरिकी डलरमा आबद्ध गरेको थियो।

_x000D_ _x000D_

सन्दीप यतिमा मात्र सीमित रहेनन्। असोज दोस्रो साता अर्को फेन्चाइज लिग टी–१० लिगमा आबद्ध हुन सफल भए। युएईको व्यासायिक लिग टी–१० लाई इमिरेट्स क्रिकेट बोर्ड र अन्तर्राष्ट्रियक क्रिकेट काउन्सिलले मान्यता दिएको छ। लिगमा रहेका ८ टिम मध्ये सन्दीपलाई केरला किंग्सले किनेको हो। केरलाले सन्दीपलाई ३० हजार अमेरिकी डलर (३४ लाख ८३ हजार रुपैयाँ) दिनेछ। 

_x000D_ _x000D_

सन्दीप एक वर्षको बीचमा सात विदेशी फ्रेन्चाइज लिगमा आबद्ध भए। सन्दीपले भारतको आइपिएल, क्यानडाको ग्लोबल टी-२० र वेस्ट इन्डिजको सिपिएल खेलेका थिए। अफगानिस्तान प्रिमियर लिग खेलेका सन्दीप यूएईको टी–१०, बंगालदेशको बिपिएल र अस्ट्रेलियाको बिबिएलमा पनि अनुबन्धन भए। पाकिस्तान सुपर लिगको ड्राफ्टमा पनि परेका छन्। यसको भने टुंगो लाग्न बाँकी छ। 

_x000D_ _x000D_


_x000D_