ad

मृत्युको भयका कारण अस्ट्रेलियाका तीव्र बलरले लिए क्रिकेटबाट संन्यास

नेपाल लाइभ

Nepal Live

एजेन्सी– अस्ट्रेलियन राष्ट्रिय क्रिकेट टिमका तीव्र गतिका बलर जोन हास्टिङले प्राणघातक रोगका कारण क्रिकेट खेलबाट संन्यास लिएका छन्।

३३ वर्षीय बलर हास्टिङ अस्ट्रेलियाको तीव वटै फर्म्याट (टेस्ट, एकदिवसीय र टी–२०) को राष्ट्रिय टिमका सदस्य हुन्। बलिङ गर्ने क्रममा उनको मुखमा रगत आउने गरेको थियो। 

चिकित्सकका अनुसार हास्टिङको फोक्सोमा समस्या देखिएको छ। यहि समस्या जारी रहेकै बेलमा उनले क्रिकेट खेलेमा उनको ज्यान जान सक्ने चिकित्सकले बताएपछि हास्टिङले संन्यास लिने निर्णय गरेका हुन्। उनको यो समस्या केहि वर्षदेखि देखिदै आएको थियो। त्यसपछि उनले प्रशिक्षण गराएका थिए। 

'जब म बलिङ गर्छु त्यतिबेला फोक्सोमा दबाब हुने गरेको छ,' उनले बुधबार अस्ट्रेलियाको द एज पत्रिकालाई भनेका छन्, 'मैले बलिङ गर्दा मुखबाट रगत आउने गरेको छ। यो डरलाग्दो कुरा हो।'

उनले अस्ट्रेलियाका लागि एक टेस्ट, २९ एकदिवसीय र ९ टी-२० खेल खेलेका छन्। मेलवर्न स्टर्सका पूर्व कप्तान हास्टिङ यो सिजनको बिस बास लिगका लागि सिड्नी सिक्सरमा आबद्ध भएका थिए। 
 

प्राप्त प्रतिकृयाहरू

यसमा तपाइको मत


पढ्नै पर्ने