भूटानी शरणार्थीको घर फिर्तीका लागि पहल गर्छौं : युएनएचसिआर

नेपाल लाइभ | २०७५ कार्तिक २८ बुधबार | Wednesday, November 14, 2018 १५:३५:५३ मा प्रकाशित

उर्लाबारी– सत्ताइस वर्षदेखि समस्याका रुपमा रहेको भूटानी शरणार्थीको घरफिर्ती कार्यका लागि भूटान र नेपाल सरकारसँग वार्ता गराउन शरणार्थीसम्बन्धी राष्ट्रसङ्घीय उच्चायोग (युएनएचसिआर) ले पहल गर्ने भएको छ।

_x000D_ _x000D_

मोरङ पथरी शनिश्चरे नगरपालिकाका प्रमुख दिलीपकुमार राईसहितका जनप्रतिनिधिसँग यहाँ आज भएको भेटघाटमा युएनएचसिआरका एसिया ब्युरो निर्देशक इन्द्रिका रवाट्टेले भूटानी शरणार्थी समस्या समाधानमा युएनएचसिआर सधैँ लागिरहेको बताए।

_x000D_ _x000D_

उनले भने, ‘युएनएचसिआरले लगातार प्रयास नगरेको पनि होइन, अझै पनि नेपाल र भूटानसँग कुराकानी गर्न तयार छ, फेरि कोसिस गर्छौं।’

_x000D_ _x000D_

निर्देशक रवाट्टेले तेस्रो मूलुक पुनर्वास भएका भूटानी शरणार्थी र शिविरमा बाँकी रहेका शरणार्थीका छुटेका परिवारलाई एक ठाउँ ल्याउनेतर्फ युएनएचसिआरले पहल गर्ने स्पष्ट पारे।

_x000D_ _x000D_

भेटमा नगरप्रमुख राईले भूटानमा नेपाली भाषी पनि सांसद बनेको भन्दै नयाँ सरकारसँग पहल गर्न केही सजिलो हुने तर्क गरे।

_x000D_ _x000D_

नेपाल सरकारले भूटानसँग वार्ता गरी समस्याको दिगो समाधान खोज्न पहल गर्नुपर्ने बताउँदै उनले त्यस्तो हुन नसकेमा नेपाल सरकारले उनीहरुको बसोबास र सुविधाको व्यवस्थापन गर्नसमेत तयार हुनुपर्नेमा जोड दिए।

_x000D_ _x000D_

अझैपनि झापा र मोरङका विभिन्न शिविरमा ६ हजार ५ सय शरणार्थी छन्। रासस