मोटरसाइकलको ठक्करबाट एक वृद्धाको मृत्यु

नेपाल लाइभ | २०७५ कार्तिक २६ सोमबार | Monday, November 12, 2018 १५:४९:०२ मा प्रकाशित

जनकपुरधाम– धनुषामा मोटरसाइकलको ठक्करबाट एक जना वृद्धाको मृत्यु भएको छ।

_x000D_ _x000D_

जिल्ला प्रहरी कार्यालय धनुषाले दिएको जानकारी अनुसार मृत्यु हुनेमा जनकपुर उपमहानगरपालिका–४ बस्ने ६५ वर्षीया चन्द्रकला देवी रहेको छिन्।

_x000D_ _x000D_

जनकपुरको माछा बजार भएर बसहिया जाने बाटोमा तीब्र गतिमा आएको लट नम्बर नखुलेको ८९२७ नम्बरको पल्सर मोटरसाइकलले सोमबार साँझ ठक्कर दिएको प्रत्यक्षदर्शीले बताए। ठक्कर दिएको मोटरसाईकल चालकसहित फरार छ।

_x000D_ _x000D_

चालक तथा मोटरसाइकलको खोजी भइरहेको प्रहरीले जानकारी दिएको छ। मृतक महिलाको शव पोस्टमार्टमको लागि जनकपुर अञ्चल अस्पतालमा लगिएको छ।