कमजोरी लुकाउन ट्रम्पले मनपरी गर्न थाले : डेमोक्र्याट पार्टी

नेपाल लाइभ | २०७५ कार्तिक २२ बिहीबार | Thursday, November 08, 2018 १२:५७:०२ मा प्रकाशित

वासिङ्टन- अमेरिकी राष्ट्रपति डोनाल्ड ट्रम्पले महान्यायाधिवक्तालाई हटाएको प्रति विपक्षी पार्टीले आपत्ति जनाएको छ। 

_x000D_ _x000D_

राष्ट्रपति ट्रम्पले महान्यायाधिवक्ता जेफ सेसन्सलाई पदबाट हटाएपछि आफ्नो कमजोरी लुकाउन तथा मनपरी गर्न ट्रम्पले महान्यायाधिवक्तालाई हटाएको विपक्षी डेमोक्र्याट पार्टीको आरोप छ। 

_x000D_ _x000D_

डेमोक्र्याट पार्टीबाट सिनेटमा प्रतिनिधित्व गर्ने नेता चक स्कमरले ट्वीट गर्दै लेखेका छन्, “स्पष्टरूपमा राष्ट्रपतिले लुकाउनुपर्ने केही कुरा हुनुपर्छ।“

_x000D_ _x000D_

ट्रम्प निर्वाचित भएको राष्ट्रपतिय निर्वाचनमा रुसी हस्तक्षेपसम्बन्धी अनुसन्धानमा आफ्नो अनुकुल हुन वाधा पुर्या‍उने आशंकामा महान्यायाधिवक्तालाई हटाइएको आरोप लगाइएको छ। 

_x000D_ _x000D_

अमेरिकी अनुसन्धानबाट सन् २०१७ को मार्चमा सेसन्स अलग भएदेखि ट्रम्पले उनको आलोचना गर्दै आएका थिए। 

_x000D_ _x000D_

सेसन्ससँग असन्तुष्ट र त्रसित ट्रम्पले उहाँलाई जवरजस्ती राजिनामा गर्न लगाउनुभएको समाचारमा जनाइएको छ। 

_x000D_ _x000D_

राजीनामापत्रमा सेसन्सले महान्यायाधिवक्ता पद छाड्ने निर्णय आफ्नो नभएको स्पष्ट पारेका छन्।

_x000D_ _x000D_

आफ्नो राजीनामापत्रमा सेसन्सले लेखेका छन्, “प्रिय राष्ट्रपति महोदय, तपाईँको आग्रहमा म आफ्नो पदबाट राजीनामा दिँदैछु।” 

_x000D_ _x000D_

मिति उल्लेख नभएको राजिनामा पत्रमा उनले सेवा गर्ने मौका दिएकोमा ट्रम्पलाई धन्यवाद दिन चाहेको उल्लेख गरेको बताइएको छ।

_x000D_ _x000D_

सेसन्सले राजिनामा दिएपछि उनलाई राष्ट्रपति ट्रम्पले धन्यवाद दिएका छन्। उनले ट्वीटरमा लेखे, “हामी महान्यायाधिवक्ता जेफ सेसन्सलाई धन्यवाद दिन चाहन्छौँ र उहाँको आगामी दिन अझ राम्रो होओस् भन्ने कामना गर्दछौँ।” 

_x000D_ _x000D_

सेसन्सको ठाउँमा तत्कालका लागि उनकै वरिष्ठ सहयोगी ’चिफ अफ स्टाफ’ म्याथ्यु ह्वीटेकरलाई जिम्मेवारी दिइएको छ। रासस/एएफपी