‘मुन्द्रेको कमेडी क्लब’ युट्युब ट्रेन्डिङको पहिलो नम्बरमा

Nepal Live

काठमाडौं– हास्य कलाकार जितु नेपालको नयाँ कार्यक्रम ‘मुन्द्रेको कमेडी क्लब’लाई दर्शकहरुले रुचाएका छन्। कार्यक्रमको पहिलो शृंखला सोमबार नेपाल टेलिभिजनमार्फत प्रसारण भएको थियो।

त्यसलगत्तै सामाजिक सञ्जाल युट्युबमा पनि सार्वजनिक भएको थियो। ‘मुन्द्रेको कमेडी क्लब’ अहिले नेपालका लागि युट्युबको ट्रेन्डिङको पहिलो नम्बरमा छ।

आमा अग्नि कुमारी मिडियाको युट्युब च्यानलबाट सार्वजनिक भएको ‘मुन्द्रेको कमेडी क्लब’को पहिलो शृंखलाको भिडियोलाई यो समाचार तयार पार्दासम्म ४ लाख १० हजार ३ सयभन्दा धेरैपटक हेरिसकिएको छ।

कार्यक्रममा अध्यक्षको भूमिकामा सफल निर्मात्री एवम् हास्यकलाकार दीपाश्री निरौला रहेकी छिन्। कार्यक्रमको पहिलो शृंखलामा हास्यकलाकार तथा चलचित्र निर्माता दीपकराज गिरीलाई निम्त्याइएको थियो। कार्यक्रममा हास्य रस मिसाउनको लागि जितु र दीपालाई हास्यकलाकारहरु राजाराम पौडेल, राजेन्द्र नेपाली र उमेर राईले साथ दिएका थिए।

रवि श्रेष्ठको निर्देशनमा तयार भएको कार्यक्रमको कार्यकारी निर्देशकको रुपमा माधव कार्की छन्। यस्तै श्रृंखला निर्देशकको जिम्मेवारी कलाकार निरज नेपाललाई दिइएको छ। कार्यक्रमको कार्यकारी निर्माता रवीन्द्र कुमार रिजाल (शशी) हुन्।
भिडियाे:

तपाईको प्रतिक्रिया

यसमा तपाइको मत


सम्बन्धित समाचार