बहुविवाहको आरोपमा फरार अभियुक्त दुई वर्षपछि पक्राउ

Nepal Live

डडेल्धुरा– बहुविवाहको आरोपमा फरार रहेका दुई अभियुक्तलाई प्रहरीले दुई वर्षपछि पक्राउ गरेको छ।

जिल्ला अदालतबाट २०७३ वैशाख १८ गते २/२ वर्ष कैद र १०/१० हजार जरिवाना फैसला गरेलगत्तै हालसम्म फरार रहेका अभियुक्तलाई मंगलबार पक्राउ गरेका हो।

पक्राउ पर्नेमा जिल्लाको आलिताल गाउँपालिका–१ बस्ने विक्रम बोगटी र सोही ठाउँकी सरु भनिने सुसिला बोगटी रहेका जिल्ला प्रहरी कार्यालय डडेल्धुराले जनाएको छ। 

मंगलबार पक्राउ परेका दुवै जनालाई बुधबार डडेल्धुरा जिल्ला अदालतमा बुझाइएको र अदालतले दुवैलाई कैद भुक्तानका लागि कारागार चलान गरिएको प्रहरी नायब उपरीक्षक डम्बरबहादुर केसीले  नेपाल लाइभलाई जानकारी दिए।
 

तपाईको प्रतिक्रिया

यसमा तपाइको मत


सम्बन्धित समाचार