अस्ट्रेलियामा होटल व्यवसाय गर्दै आएका एक नेपाली डेढ महिनादेखि बेपत्ता

नेपाल लाइभ | २०७५ कार्तिक १२ सोमबार | Monday, October 29, 2018 ०६:१९:४६ मा प्रकाशित

काठमाडौं– अस्ट्रेलियाको सिड्नीस्थित रकडेलमा होटल व्यवसाय गर्दै आएका एक नेपाली करिब डेढ महिनादेखि बेपत्ता भएका छन्।  ४७ वर्षीय नेपाली रामचन्द्र खड्का आफ्नै निवासबाट सेप्टेम्बर १० देखि बेपत्ता भएका हुन्।

_x000D_ _x000D_

हराएको डेढ महिना बितिसक्दा समेत उनको पत्ता नलागेको परिवारले जनाएको छ। तीन छोरा र श्रीमती रहेका खड्काले अन्तिम दिन रकडेलमा नै नयाँ रेस्टुरेन्ट शुभारम्भ गरेका थिए।

_x000D_ _x000D_

बिहानदेखि २५ वर्षका जेठा छोरा र श्रीमती शोभासहित रेस्टुरेन्टको काममा व्यस्त भएका खड्का करिब २ बजेतिर अचनाक हल्का सन्चो नभएको भन्दै घर आएका थिए।  आराम गर्ने भन्दै रेस्टुरेन्टबाट निस्केका उनी परिवारको सम्पर्क  बाहिर पुगेको श्रीमती शोभा खड्काले बताइन्।

_x000D_ _x000D_

‘बिहान नयाँ रेस्टुरेन्टको ओपनिङ गरेपछि अलि सन्चो भएन, म आराम गर्छु, होटलमा बस भनेर हिंड्नुभएको अहिलेसम्म सम्पर्क हुन सकेको छैन,’ श्रीमती खड्काले भनिन्, ‘डेढ महिनासम्म पनि सम्पर्क हुन नसक्दा हाम्रो विचल्ली भएको छ।'

_x000D_ _x000D_

घर गएर केहीबेरमा रकडेलको बेस्टिक स्ट्रिट (घर नजिकको) पेट्रोल स्टेसनमा गई २ वटा रेडबुल किनेर त्यहाँबाट नै ट्याक्सी चढी बोन्डी बिच गएको प्रहरीको अनुसन्धानमा देखिएको छ। त्यहाँ पनि एक पसलमा ७५ डलर बराबरको पेय पदार्थ किनेपछि कता गए कुनै सम्पर्क नभएको उनले बताइन्।

_x000D_ _x000D_

'उक्त स्थानबाट कता जानुभयो, के गर्नुभयो अत्तोपत्तो छैन,' उनले भनिन्।

_x000D_ _x000D_

खड्काले प्रयोग गर्ने मोबाइल घरमै छोडेर निस्केकाले खोजी गर्न कठिन भएको श्रीमती शोभाले बताइन्। उनले प्रयोग गरेको बिजनेस बैक कार्डका आधारमा एनएसडब्लु प्रहरीले रेडबुल किनेको, सोही कार्ड प्रयोग गरेर बोन्डी गएको र त्यहाँ सामान किनेको प्रमाण जुटेको छ।

_x000D_ _x000D_

नयाँ रेस्टुरेन्ट सुरु गरेकै दिन त्यसरी परिवारको मुख्य अभिभावक हराउनुले आफूहरु ठूलो पीडामा रहेको उनले बताइन्।

_x000D_ _x000D_

शोभाले नेपाली राजदूतावासमा समेत पति हराएको उजुरी गरेकी छन् तर हालसम्म कुनै जवाफ पाएकी छैनन्।

_x000D_ _x000D_

पछिल्लो समय अस्ट्रेलियामा यस्ता घटना बढ्दै गएकाले आफूहरु चिन्तामा रहेको उनले बताइन्। परिवारसँग सुमधुर सम्बन्ध नै भएकाले अपहरण वा हत्या भएको आशंका प्रहरीले गरेको उनले बताइन्।