भक्तपुर– दसैंको महाअष्टमीका दिन चाँगुनारायण नगरपालिका वागिश्वरीका ४४ वर्षीय रामकृष्ण गिरी देब्रे छाती दुखेपछि उपचारका लागि भक्तपुर अस्पताल पुगे।
_x000D__x000D_
बिदाको दिनमा ओपिडी सेवा बन्द हुने भएपछि आकस्मिक कक्षमा रहेका चिकित्सकलाई स्वास्थ्य परीक्षण गराए। स्वास्थ्य परीक्षणमा संलग्न चिकित्सकले देब्रे छाती दुखेको ग्यास्ट्रिकका कारणले भन्दै ग्यास्ट्रिकको औषधि दिएर पठादिए।
_x000D__x000D_
भोलिपल्ट फेरि छाती दुखेर मध्यपुर अस्पताल पुग्दा मुटुको सबै उपचार सेवा छ भनेर प्रचार गर्दै आएको यो अस्पतालले पनि इसिजी गरेर बिरामी बचाउन आवश्यक थप उपचार नगरी सिधै गङ्गालाल अस्पताल रिफर गरेपछि गङ्गालाल पुर्याउँदा उनको निधन भयो। हृदयाघातकै कारण निधन भएको गङ्गालाल अस्पतालले पुष्टि गर्यो।
_x000D__x000D_
उपचारका लागि सुरुमा आएको भक्तपुर अस्पतालका चिकित्सकको लापर्बाहीले ज्यानै गएको स्थानीय बासिन्दा बताउँछन्। पीडित परिवारले भने भक्तपुर अस्पतालले इसिजी गरेर गङ्गालाल अस्पताल लैजान सुझाब मात्रै दिएको भए पनि ज्यान बचाउन सकिनेमा चिकित्सकले बिरामीलाई गम्भीर रुपमा नलिँदा ज्यान गएको गुनासो गरेका छन्।
_x000D__x000D_
हृदयाघातको लक्षण देखिँदा देखिँदै पनि अस्पतालमा भएको इसिजी सेवा उपलब्ध नगराई ग्यास्ट्रिक भनेर औषधि दिएर पठाउनु चिकित्सकको चरम लापर्बाही भएको स्थानीयवासीको आरोप छ।
_x000D__x000D_
यसबारेमा अस्पतालका मेडिकल सुपरिटेण्डेन्ट डा सुधार देवकोटासँग सम्पर्क गर्न खोज्दा उनी बिदामा भएको अस्पतालका प्रशासन प्रमुख विश्व न्यौपानेले जानकारी दिए। घटना गम्भीर र दुःखद भएको बताउँदै न्यौपनेले भने, ‘मेडिकल सुपरिटेण्डेन्ट बिदामा हुनुहन्छ, उहाँ आएपछि घटनाको दिन कुन चिकित्सकले बिरामी हेरेको हो, अस्पतालमा भएको इसिजी सेवा किन सञ्चालन नगरेको हो, छानबिन गरी विभागीय कारबाही अगाडि बढाउँछौँ।’
_x000D__x000D_
सरकारको वार्षिक करोडौँको बजेट आउने भक्तपुर अस्पताल र सरकारी तलब खाएर बस्ने यहाँका केही चिकित्सकको यस्तो लापर्बाहीको घटना यो पहिलो भने होइन। सरकारी अस्पतालका रुपमा रहेको भक्तपुर अस्पतालले विगतदेखि नै प्रसूतिदेखि विभिन्न रोगको उपचारमा लापर्बाही गर्दै आएपछि पछिल्लो समयमा बिरामीको चापसमेत घटेको छ।
_x000D__x000D_
आइसियू बिना नै विभिन्न रोगको शल्यक्रिया गरेर अर्को लापर्बाही गर्दै आएको स्थानीयवासी बताउँछन्। आँखैअगाडि भक्तपुर अस्पताल रहेपनि यहाँका बासिन्दाले भने उपचार गराउन बिरामीलाई काठमाडौँका अस्पताल लैजाने गरेको दूधपाटीका स्थानीयवासी रामप्रसाद श्रेष्ठ बताउँछन्।
_x000D__x000D_
उनले भक्तपुरका बासिन्दालाई भक्तपुर अस्पतालको उपचार सेवामा विश्वास हट्दै गए पछि बिरामी काठमाडौं लैजाने गरेको बताए। भने, ‘भक्तपुर अस्पताल कहिल्यै नसुध्रिने भो, यहाँको लापर्बाही हेर्ने हो भने अनगिन्ती छन्।’
_x000D__x000D_
ज्यान बचाउने अपेक्षा लिएर अस्पताल आउने बिरामीलाई बचाउन भक्तपुर अस्पताल गम्भीर नहुने गरेको स्थानीयवासीको गुनासो छ। रासस
नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।