चीनमा बन्यो संसारकै लामो पुल, ५५ किलोमिटर पुलले हङकङ र मकाओलाई झुहाईसँग जोड्ने

Nepal Live

काठमाडौं– चीनमा संसारकै सबैभन्दा लामो पुल बनाएको छ। ५५ किलोमिटर लम्बाईको उक्त पुलले चीनका स्वशासित क्षेत्र हङकङ र मकाओलाई चीनको मूख्य शहर झुहाईसँग जोड्नेछ।

यो पुल हालसम्म संसारमा रहेका सामुद्रिक पुलमध्ये सबैभन्दा लामो हो। ९ वर्ष लगाएर उक्त पुल निर्माण गरिएको हो। पुल निर्माणमा २० अर्ब डलर खर्च भएको जनाइएको छ।

राष्ट्रपति सि जिन पिङले भोलि (मंगलबार) उक्त पुलको उद्घाटन गर्ने कार्यक्रम छ। उद्घाटनपश्चात् बुधबारदेखि मात्रै सवारी साधनका लागि पुल खुला गरिने चिनियाँ अधिकारीहरुले बताएका छन्।

खासगरी दक्षिणी क्षेत्रका ११ वटा शहर र ५६ हजार वर्गकिलोमिटर क्षेत्रको विशाल सामुद्रिक क्षेत्रलाई समेट्नेगरी चीनले तयार गरेको योजनाको एउटा महत्वपूर्ण कडीका रुपमा यो पुललाई लिइएको छ।

पुल निर्माण हुँदा तीन वटा शहर घुम्न लाग्ने समय आधा घन्टादेखि ३ घन्टासम्म छोट्टिने छ। यसले पर्यटकलाई थप सहज हुने छ। पुलका कारण हङकङ र मकाओमा समेत पर्यटक आगमन बढ्ने दाबी गरिएको छ।

पुल निर्माणमा ४ लाख टन स्टिल प्रयोग गरिएको छ। पुलले ८ म्याग्निच्युडसम्मको भूकम्प थेग्नेछ।

यद्यपि, हङकङमा भने पुलका विषयमा व्यापक आलोचना भइरहेको छ।

तपाईको प्रतिक्रिया

यसमा तपाइको मत


सम्बन्धित समाचार