अफ्रिकी देशमा पनि चिनियाँ लगानी खारेज

Nepal Live

काठमाडाैं– मलेसियाका प्रधानमन्त्री मोहमद महाथीरले चिनियाँ लगानीमा बन्ने रेल परियोजनालाई स्थगित गरेसँगै अफ्रिकी देश सिरिया लिवनले पनि ३ सय अठार मिलियन अमेरिकी डलरको परियोजनालाई खारेज गरेको छ।

चिनियाँ लगानीमा सिरिया लिवनको राजधानी बाहिर निर्माण गर्ने भनिएको विमानस्थलको परियोजनालाई सिरिया लिवनले खारेज गरेको हो।

यो परियोजना सन् २०२२ मा पुरा हुने बताइएको थियो भने यस परियोजनाको नेतृत्व गतमार्चबाट सिरिया लिवनको पूर्व राष्ट्रपति अर्नेष्ट बाई कोरोमाले गरेको अमेरिकी समाचार संस्था सिएनएनले जनाएको छ।

पकिस्तानले आइएमफसँग ऋण सहयोग मागेको खरब प्रकाशित भएको केही समयपछि सिरिया लिवनले चिनियाँ लगानीको परियोजना खारेज गरेको हो। अफ्रिकी महादेशमा निर्माण हुने पूर्वतयारी भएको चिनियाँ लगानीको आयोजना खारेज गर्ने सिरिया लिवनपहिलो देश हो। 

नयाँ विमानस्थल निर्माण सम्बन्धि सिरिया लिवन सरकारले गरेको छलफल उक्त विमानस्थल आर्थिक कारण देखाउँदै निर्माण गर्न नहुँने मत बढेको अन्तृराष्ट्रिय समाचार माध्यमले बताएका छन्। पहिले नै भएको पुरानो विमानस्थल खासै प्रयोग नभएको स्थितिमा नयाँ विमानस्थल निर्माणको औचित्य नभएको भन्दै सिरिया लिवनले विमानस्थल निर्माण प्रक्रियालाई खारेज गरेको हो।

नयाँ विमानस्थल निर्माणको सट्टा भएको विमानस्थललाई मर्मत सम्भार गर्ने सिरिया लिवन सरकारले जनाएको स्थानीय सञ्चार माध्यमलाई उधृत गर्दै अन्तराष्ट्रिय समाचार माध्यमले बताएका हुन्।

पछिल्लो समय चिनियाँ लगानीको आयोजनाहरु खारेज हुने क्रम बाक्लिएको छ। परियोजना खारेज हुनु भनेको चीन र सिरिया लिवनको सम्बन्ध बिग्रिनु नभएको सरकारका प्रवक्ताले बताएका छन्।

यस्तै पाकिस्तानले आइएमफसँग मागेको ऋणको सरोकार चिनियाँ लगानीमा पाकिस्तानमा निर्मित चीन–पाकिस्तान आर्थिक करिडोरसँग नभएको पाकिस्तानले दावी गरेको छ। एजेन्सी


 

तपाईको प्रतिक्रिया

यसमा तपाइको मत


सम्बन्धित समाचार