उपत्यकामा फूलपातीको दिन साढे १७ लाख लिटर इन्धन बिक्री, ७५ लाख लिटर मौज्दात

Nepal Live

काठमाडौं– फूलपातीको बिदाको समयमा पनि उपत्यकामा अन्य दिन झैं सवारी साधनले इन्धन खरिद गरेका छन्। नेपाल आयल निगमले बिक्री गर्ने डिजल र पेट्रोल अन्य सामान्य झै बिक्री भएको हो ।

फूलपातीको दिन १२ लाख ५० हजार लिटर पेट्रोल र ५ लाख डिजेल वितरण भएको छ। आयाल निगमका अनुसार दसैंमा यात्रु बाहिरिने क्रम कायमै रहेकाले अन्य दिन झैं आज पनि इन्धनको बिक्री भइरहेको हो।

फुलपातीको दिन नजिकको दूरीमा रहेका गाउँमा व्यक्तिहरुको फर्कने क्रम चलिरहेको छ। दसैंको सातै दिन पनि यात्रुहरु उपत्यकाबाट बाहिरिने क्रम चलिरहेको छ। निगमका अनुसार हाल उपत्यकामा ७५ लाख लिटर इन्धन मौजाद रहेको छ।

इन्धन बिक्री वितरण केही दिन सुस्तता आउने भएकाले करिब एक साताको अवधिलाई यसले धान्ने निगमनको आकलन छ। थानकोट डिपोका प्रमुुख भरत रेग्मीले पेट्रोल बिक्री हालसम्कै उच्च भएको बताए।

निगमसँग डिजेल ४५ लाख लिटर र पेट्रोल ३० लाख लिटर मौज्दात रहेको उनले बताए। यसले कम्तीमा ५ दिनको माग धान्ने उनले बताए। ‘दसैंमा पेट्रोलियम आपूर्तिमा कुनै समस्या हुँदैन’ उनले भने ‘यो कम बिक्री हुने समय हो।’

तपाईको प्रतिक्रिया

यसमा तपाइको मत


सम्बन्धित समाचार