दसैंमा मिटरमा सञ्चालन नहुने र अनियमित भाडा लिने ट्याक्सी कारबाहीमा पर्ने

Nepal Live

काठमाडाैं– दसैंमा मिटरमा सञ्चालन नहुने तथा अनियमित भाडा लिने ट्याक्सीहरू कारबाहीमा पर्ने भएका छन्।

सोमबार प्रधानमन्त्री तथा मन्त्रीपरिषद् कार्यालयका सचिव केदार बहादुर अधिकारको संयोजकत्वमा बसेको बैठकले लामो दूरी तथा काठमाडौं उपत्यकामा रहेका सार्वजनिक सवारीलाई व्यवस्थित बनाउन उक्त निर्णय गरेको हो।

निर्णयअनुसार ट्याक्सीले अनावश्यक भाडा असुल गरेमा तथा मिटरमा सञ्चालन नगरेमा कारबाही हुने बताइएको छ। 

त्यसैगरी लामोदूरीमा सञ्चालन हुने सार्वजनिक सवारीले अनिवार्य रुपमा फोहर संकलन गर्ने टिनको व्यवस्था गर्ने र तोकिएको स्थानमामात्र फोहर फ्याँक्नुपर्ने जनाइएको छ।

काठमाडौं उपत्यकामा  निर्धारित ठाउँमा मात्र यात्रु चढ्न र ओराल्न पूर्वतयारीको काम गर्न यातयात व्यवस्था विभागलाई निर्देशन बैठकले दिने निर्णय गरेको छ। 
 

 

तपाईको प्रतिक्रिया

यसमा तपाइको मत


सम्बन्धित समाचार