आयो दसैं : खाद्य संस्थानले बेच्न थाल्यो च्याङ्ग्रा र खसीबोका [फोटो फिचर]

Nepal Live

काठमाडौं- नेपाल खाद्य संस्थानले आजदेखि च्याङ्ग्रा र खसीबोका बिक्री गर्न थालेको छ। संस्थानका महापबन्धक योगेन्द्र गौचनकाअनुसार थापाथलीस्थित गोदामबाट च्याङ्ग्रा प्रतिकेजी रु ७ सय र खसीबोका रु ५ सय मूल्यमा बिक्री हुन थालेको हो। सरकारले तोकेको यो मूल्य बजार भाउभन्दा ५० रुपैयाँसम्म सस्तो भएको दाबी संस्थानको छ। 

दसैंका लागि मुस्ताङबाट एक हजार च्याङ्ग्रा र मकवानपुरबाट एक हजार खसीबोका ल्याउन लागिएकामा अहिले पहिलो चरणमा ९ सय च्याङ्ग्रा र ३ सय खसीबोका बिक्री गर्न थालिएको गौचनले बताए। च्याङ्ग्रा र खसीबोका ल्याइएका सम्बन्धित स्थानका जिल्ला खाद्य समितिले स्थानीय बजारको मागका आधारमा मूल्य निर्धारण गरी कृषकबाट खरीद गर्ने गर्दछ। प्रमुख जिल्ला अधिकारीको अध्यक्षतामा उक्त समितिको बैठक बस्ने गर्छ। 

दसैंका बेला उपत्यकामा मासुको अत्यधिक माग बढ्ने हुँदा त्यसको आपूर्तिमा सन्तुलन कायम गर्न संस्थानले विभिन्न जिल्लाबाट खसीबोका र च्याङ्ग्रा खरिद गरी ल्याएर उपभोक्तलाई बिक्री गर्दै आएको छ। असोज ३० गतेसम्म ती चौपाया बिक्री गरिने जनाइएको छ। 

तपाईको प्रतिक्रिया

यसमा तपाइको मत


सम्बन्धित समाचार