ad

अन्तर्राष्ट्रिय सम्बन्ध उप–समितिले निजगढ विमानस्थलको स्थलगत अध्ययन गर्ने

नेपाल लाइभ

Nepal Live

काठमाडौं– संघीय संसदको प्रतिनिधिसभाअन्तर्गत अन्तर्राष्ट्रिय सम्बन्ध समितिले गठन गरेको उप–समितिले दोस्रो अन्तर्राष्ट्रिय निजगढ विमानस्थलको स्थलगत अध्ययन गर्ने निर्णय गरेको छ। बिहीबार बसेको उप–समितिको बैठकले आगामी कात्तिक ४ गते निजगढ विमानस्थलको स्थलगत अध्ययनमा जाने निर्णय गरेको हो।

नेकपा वरिष्ठ नेता माधवकुमार नेपालको संयोजकत्वमा गठित उप–समितिमा सांसदहरु चाँदतारा कुमारी, दिव्यमणिराज चण्डारी, दिपप्रकाश भट्ट, निर्जला राउत छन्।

विमानस्थलको डिपिआर तयार नहुँदै निर्माण स्थलमा पर्ने रुख काट्न संस्कृति, पर्यटन तथा नागरिक उड्डयन मन्त्रालय र वन मन्त्रालयबीच सहमति भएको थियो। आयोजनाको निर्माण कार्य सुरु नहुँदै रुख काट्न लागिएको भन्दै आलोचना भएपछि सोको छानबिनका लागि उप–समिति गठन गरिएको थियो।

हाल तोकिएको स्थानमा केही हेरफेर मात्रै गर्दा पनि धेरै रुखहरु काट्न नपर्ने तर्कसमेत उब्जिएको थियो।

प्राप्त प्रतिकृयाहरू

यसमा तपाइको मत


पढ्नै पर्ने