ad

निर्देशन दोहोर्‍याएर लेखा समितिले सरकारलाई भन्यो- चिनीको मूल्य ६३ नै कायम गर्नू

नेपाल लाइभ

Nepal Live

काठमाडौं- संघीय संसदको सार्वजनिक लेखा समितिले चिनीको मूल्य ६३ नै कायम गर्न सरकारलाई फेरि निर्देशन दिएको छ। यो मूल्य कायम गर्न समितिले दोस्रो पटक सरकारलाई निर्देशन दिएको हो। 

समितिले यही १८ असोजमा चिनीको खुद्रा मूल्य प्रतिकिलो ६३ कायम गर्न सरकारलाई निर्देशन दिएको थियो। 

सरकारले भने चिनीको मूल्य ७० रुपैयाँ भएको दाबी गरिरहेको छ। चिनीको मूल्य कायम गर्दा अनियमितता भएको भन्दै छानबिन गर्न उपसमिति नै गठन गरिएको थियो। उक्त उपसमितिले बिहीबार आफ्नो प्रतिवेदन समितिमा पेस गरेको छ। 

‘१८ असोजको समितिको निर्णय बमोजिम प्रधानमन्त्रीको उपस्थितिमा सरोकारवालाले प्रतिबद्धता जाहेर गरेबमोजिम चिनीको गेट मूल्य ५३ र खुद्रा मूल्य ६३ लाई थप कडाइका साथ कार्यान्वयन गर्न सरकारलाई निर्देशन दिइन्छ,’ समितिले सरकारलाई निर्देशन दिएको छ। 

उपसमितिको प्रतिवेदन उपर थप अध्ययन गरी कार्यान्वयन गरिने समितिको निर्णयमा उल्लेख छ।

प्राप्त प्रतिकृयाहरू

यसमा तपाइको मत


पढ्नै पर्ने