दसैं नजिकिएसँगै सुरु भयाे जाेखिमपूर्ण यात्रा

नेपाल लाइभ | २०७५ असोज २५ बिहीबार | Thursday, October 11, 2018 ०७:४८:३९ मा प्रकाशित

गाईघाट– बडादसैं नजिकिएसँगै सदरमुकाम गाईघाटदेखि पहाडी क्षेत्रमा सञ्चालन हुने ठूला तथा साना यातायातका साधनले क्षमताभन्दा बढी यात्रु बोक्न थालेका छन्।

_x000D_ _x000D_

सवारीसाधनले क्षमताभन्दा बढी यात्रु बोक्ने गरेका कारण ज्यान जोखिमको डर रहेको छ। 

_x000D_ _x000D_

गाईघाटदेखि साउने, खाँबु, रौता, मुर्कुची, नेपालटार, गाईघाट सल्ले तथा फोक्सिङटारसम्म सञ्चालित अधिकांश सवारीसाधनले जबर्जस्ती क्षमताभन्दा बढी यात्रु बोक्ने गरेका खाबुका हेमप्रसाद भट्टराईले बताए।

_x000D_ _x000D_

गाईघाटदेखि पूर्वी क्षेत्रको बेल्टार, रामपुर ठोक्सिलातर्फ सञ्चालन हुने सवारीसाधनले पनि छतमा समेत यात्रु बोक्ने गरेको पाइएको छ।

_x000D_ _x000D_

'कोचीकोची यात्रु हाल्ने गरेका छन्, छतमा समेत यात्रु चढाउँदा दुर्घटनाको खतरा बढेको छ,' रौता भुटारका कृष्ण ठकुरीले भने। 

_x000D_ _x000D_

जिल्लाका अधिकांश सडक कच्ची रहेका छन्। वर्षाका कारण भत्किएका सडक मर्मत नहुँदा दुर्घटनाको खतरा छ।

_x000D_ _x000D_

सवारीसाधनभित्र र छतमासमेत क्षमताभन्दा बढी यात्रु राख्दा ज्यान जोखिमको डर छ। 'छतभरी समेत यात्रु राख्ने गरिएको छ,' ठकुरीले भने। चालक देवेन्द्र मगर चाडपर्वको समयमा यात्रुको चाप बढी हुँदा समस्या हुने गरेको बताउँछन्।