कोरियामा अवैधानिक रुपमा बस्ने विदेशी विद्यार्थीको संख्या ९८ प्रतिशतले वृद्धि

Nepal Live

कोरिया–कोरियामा अवैधानिक रुपमा बस्ने विदेशी विद्यार्थीको संख्या ९८ प्रतिशतले वृद्धि भएको छ। सन २०१६ यता कोरियामा अवैधानिक बन्ने विदेशी विद्यार्थीको वृद्धिदर ९७ दशमलव ७ प्रतिशत रहेको कोरियाको  कानुन मन्त्रालयले जनाएको छ। 

सन २०१६ को तथ्यांक अनुसार कोरियामा अवैधानिक रुपमा बस्ने विदेशी विद्यार्थीको संख्या ५ हजार ६ सय ५२ रहेकोमा अहिले यो संख्या बढेर ११ हजार १ सय ७६ पुगेको कोरियाको कानुन मन्त्रालयलाई उद्धृत गर्दै यहाँको डेमोक्रेटिक पार्टिका रिपोटर  किम हाउ योङले बताएका छन्। 

उनी भन्छन, ‘ट्युसन फिको लोभमा यहाँका कतिपय विश्वविद्यालयले विदेशी विद्यार्थीमाथि आँखा गाड्ने गरेको र भिसा सकिएपछि पनि यहाँ बस्न प्रेरित गरिरहेका छन्।’ 

तथ्याङकमा कोरियाको राजधानीमा १९ दशमलव ९ प्रतिशत अर्थात ३ हजार २४, ख्यङगी प्रान्तमा १४ दशमलव ५ प्रतिशत अर्थात २ हजार २ सय ६ जना, उत्तरी ख्यङसानमा ७ दशमलव ५ प्रतिशत अर्थात १ हजार ७ सय ३७ जना, उत्तरी जेला प्रान्तमा ५ दशमलव ९ प्रतिशत अर्थात ८ सय ९२ जना र बुसान क्षेत्रमा ३ दशमलव ६ प्रतिशत अर्थात ५ सय ३९ जना विद्यार्थी अवैधानीक रुपमा बस्दै आएको उल्लेख छ।  

यो तथ्याङकले कोरियामा हाल १ लाख ६१ हजार ३ सय विदेशी विद्यार्थी अध्ययनरत रहेकोमा ७ प्रतिशत विद्याथी अवैधानिक रुपमा रहेको देखाएको छ। 

कोरियामा घट्दो जन्मदर र यहाँका विद्याथी अन्य मुलुकमा अध्ययन गर्न जाने क्रम बढ्दै गएपछि विश्वविद्यालयमा विद्यार्थीको संख्या घट्दै गएको छ।

जसका कारण यहाँका विश्वविद्यालयले ट्युसन शुल्क घटाएर वा छात्रवृत्तिको लोभ देखाएर विदेशी विद्यार्थी धेरै भित्र्याउने रणनीति अपनाइरहेका छन्। 

दक्षिण कोरियामा करिब १५ सयको हाराहारीमा नेपाली विद्यार्थी पनि अध्ययनरत छन्। 
 

शिव भुसाल

भुसाल नेपाल लाइभका लागि दक्षिण काेरियाका स‌वा‌ंदवाता हुन्। 

तपाईको प्रतिक्रिया

यसमा तपाइको मत


सम्बन्धित समाचार