केन्याका गाँउ–गाँउमा चिनियाँ मोबाइल लोकप्रिय

Nepal Live

नैरोबी– चीनमा बनेका मोबाइल फोन सेटहरू केन्याका ग्रामीण क्षेत्रमा अत्यन्त लोकप्रिय भएको पाइएको छ।

धेरै प्रकारका कामहरू गर्न मिल्ने बहुउपयोगी र सस्तो भएकाले गाँउ–गाँउमा चिनियाँ मोबाइल फोन लोकप्रिय भएको बताइएको छ।

ती मोबाइल फोनहरूमा रेडियो सुन्न मिल्ने, अध्याँरोमा बत्ती बाल्न मिल्ने, सामान्य फोटो खिच्न मिल्ने, इन्टरनेट चलाउन मिल्नेलगायतका सुविधा रहेका छन्।

ग्रामीण क्षेत्रमा फेरो, छि तिगी, छिङलगायत नामका मोबाइल फोनहरू धेरैले प्रायेग गर्ने गरेको बताइएको छ।

यी मोबाइल फोनहरू ८ देखि २५ अमेरिकी डलरसम्ममा पाइने र त्यो गाँउलेहरूको आम्दानी सुहाउँदो भएको समाचारमा जनाइएको छ।

केन्याका ग्रामीण क्षेत्रका बासिन्दाको आम्दानी न्यून रहेको छ। त्यसैले उनीहरूमध्ये अधिकांशले महङ्गो पर्ने मोबाइल फोनहरू भने नकिन्ने गरेको अधिकारीहरूले बताइएका छन्। रासस/सिन्ह्वा

तपाईको प्रतिक्रिया

यसमा तपाइको मत


सम्बन्धित समाचार