क्रिस्चियन धर्मगुरू फ्रान्सिसलाई उत्तर कोरियामा भेट्न किमकाे इच्छा

नेपाल लाइभ | २०७५ असोज २३ मंगलबार | Tuesday, October 09, 2018 १६:१६:१२ मा प्रकाशित

सिओल– उत्तर कोरियाली नेता किम जोङ उनले क्रिस्चियन धर्मगुरू पोप फ्रान्सिसलाई उत्तर कोरियामा स्वागत गर्न इच्छुक रहेको दक्षिण कोरियाले जनाएको छ।

_x000D_ _x000D_

दक्षिण कोरियाको राष्ट्रपतिको कार्यालयले मङ्गलबार जारी गरेको विज्ञप्तिमा नेता किम र दक्षिण कोरियाली राष्ट्रपतिबीच भएको वार्ताका क्रममा उत्तर कोरियाली नेताले क्रिस्चियन धर्मगुरू पोपलाई उत्तर कोरियामा स्वागत गर्न आफू उत्सुक रहेको बताएको जनाइएको छ।

_x000D_ _x000D_

किमले केही महिनायता उत्तर कोरियाली आणविक हतियारलाई व्यवस्थापन, कोरियाली प्रायद्वीपको सैन्य तनाब र आर्थिक नाकाबन्दी विषयमा कुटनीतिक छलफललाई जारी राख्दै आएका छन्।

_x000D_ _x000D_

यसै सिलसिलामा केही महिना पहिले उनले चीनको भ्रमण गरी चिनियाँ नेताहरूसँग छलफल गरेका थिए। चीनले उत्तर कोरियाली राजनीति तथा आर्थिक गतिविधिमा उल्लेख्य चासो राख्ने गर्दछ। 

_x000D_ _x000D_

उत्तर कोरियाले देशको प्रमुख आम्दानीको स्रोत कोइलालाई चीन तथा रूसमा आपूर्ति गर्ने गर्दछ। यद्यपि पछिल्लो समय यो क्रम राष्ट्रसङ्घको नाकाबन्दीका कारण रोकिएको छ।

_x000D_ _x000D_

उत्तर कोरिया औपचारिक रूपमा कुनै धर्मको पक्षमा छैन। एक कम्युनिष्ट राष्ट्र भएकाले कुनै पनि धर्मसम्बन्धि गतिविधि उसको आकर्षणका विषय होइनन्। अर्थात् उत्तर कोरियामा धार्मिक 
_x000D_ गतिविधिमाथि कडा नियन्त्रण छ।

_x000D_ _x000D_

यसअघि सन् २००० मा भएको अन्तरकोरियाली शिखर सम्मेलनका क्रममा पनि किमका पिताले सोही प्रकारको निमन्त्रणा तत्कालीन पोप जोन पाउल द्वित्तीयलाई दिएका खबर सञ्चार माध्यमले लेखेका थिए। तर, त्यतिबेलाका पोप र तत्कालीन नेताबीच कुनै भेटवार्ता भएको थिएन।

_x000D_ _x000D_

उत्तर कोरियाले क्याथोलिक धर्मगुरूलाई स्वीकार गरेको अवस्थामा मात्र पोपको भ्रमण हुनसक्ने भेटिकन अधिकारीले जनाएका छन्। रासस÷एपी