राष्ट्रसङ्घका लागि अमेरिकी राजदूत निकी हेलीद्वारा राजीनामा

Nepal Live

वासिङ्टन– संयुक्त राष्ट्रसङ्घका लागि अमेरिकी राजदूत निकी हेलीले मङ्गलबार राजीनामा दिएकी अमेरिकी सञ्चारमाध्यमहरूले जनाएका छन्।

अमेरिकी राष्ट्रपति डोनाल्ड ट्रम्पको राष्ट्रिय सुरक्षा समूहबाट राजीनामा दिएकी हेली र ट्रम्पबीच स्थानीय समय अनुसार मंगलबार बिहान १०ः३० बजे राष्ट्रपतिको कार्यालय ओभल हाउसमा भेट हुने कार्यक्रम छ।

यसैबीच, अमेरिकी राष्ट्रपति ट्रम्पले संयुक्त राष्ट्रसङ्घका लागि अमेरिकी राजदूत निकी हेलीको राजीनामाबारे केही नबताइकनै ‘मेरो साथी निकी हेलीका विषयमा ठूलो घोषणा गर्न लागेको’ आफ्नो ट्विटर पेजमा उल्लेख गरेका छन्।

अमेरिकी सञ्चारमाध्यमहरु सिएनएन, फक्स न्यूज तथा द न्यूयोर्क टाइम्समा राजीनामाबारे समाचार प्रकाशित भएका छन्। तर, उनको राजीनामा आउनुको कारणबारे भने कसैले उल्लेख गरेका छैनन्। रासस/एएफपी

तपाईको प्रतिक्रिया

यसमा तपाइको मत


सम्बन्धित समाचार