एन्फा निर्णय : पेश्की फर्छौट समिति गठन, सिक्किम गभर्नस गोल्डकपमा मनाङ र एपिएफ

नेपाल लाइभ | २०७५ असोज २३ मंगलबार | Tuesday, October 09, 2018 १४:०७:५० मा प्रकाशित

काठमाडौं– अखिल नेपाल फुटबल संघ (एन्फा) ले एन्फाबाट पेश्की लागिएको रकमको फर्छौट गर्न समिति गठन गरेको छ।

_x000D_ _x000D_

मंगलबार बसेको एन्फाको आपतकालीन बैठकले हरि रायमाझीको संयोजकत्वमा ३ सदस्य पेश्की फर्छौट समिति गठन गरेको हो। समितिमा रविन्द्र जोशी सदस्य छन् भने संयोजकले एक जना चार्टर्ड एकाउन्टेन्ड नियुक्त गर्नेछन्। समितिको समयावधि ३ महिनाको हुनेछ। साथै एन्फाले पेश्की ‍फर्छौटका लागि सम्बन्धित व्यक्तिलाई ३५ दिनको म्याद राखेर पत्र पठाउने पनि निर्णय गरेको छ।

_x000D_ _x000D_

एन्फामा अहिलेसम्म ३ करोड भन्दा बढी पेश्की लागिएको रकमको फर्छौट गर्न बाँकि छ। जसमा विभिन्न संघ र एन्फाका पूर्व पदाधिकारी रहेका छन्। एन्फा स्रोतका अनुसार एन्फाका पूर्व अध्यक्ष गणेश थापाले केहि दिनअघि बंगालदेश फुटबल संघको नाममा गत साता १५ लाख रुपैयाँ एन्फालाई बुझाएका थिए। फिफाबाट प्रतिबन्धित थापाले आफ्ना प्रतिनिधिमार्तफ एन्फाका लेखा प्रमुखलाई रकम बुझाएका थिए। तर त्यो रकम कुन प्रयोजनका लागि थापाबाट लगिएको खुलाइएको छैन। 

_x000D_ _x000D_

मंगलबारको बैठकले आगामी कात्तिक ६ देखि १७ गतेसम्म भारतको सिक्किमा हुने गभर्नस गोल्डकपमा नेपाल एपिएफ क्लब र मनाङ मर्स्याङ्दी क्लबलाई सहभागिता गराउने निर्णय गरेको छ। यद्यपी गोल्डकपको प्रकासित तालिकामा थ्रीस्टार र एपिएफ क्लब सहभागी हुने उल्लेख छ। एन्फाले भुटानमा सम्पन्न साफ यू–१८ महिला च्याम्पियनसिपको उपविजेता नेपाली टिमका सदस्यलाई जनही ५०–५० हजार रुपैयाँ दिने पनि निर्णय गरेको छ। 

_x000D_ _x000D_

एन्फाको निर्णय :

_x000D_ _x000D_

_x000D_ _x000D_

गभर्नस गोल्डकपको खेल तालिका :

_x000D_ _x000D_


_x000D_