नेविसंघमा ३२ वर्षे हदबन्दीपछि बुधबार असन्तुष्ट कांग्रेस नेताको छुट्टै बैठक

नेपाल लाइभ | २०७५ असोज २३ मंगलबार | Tuesday, October 09, 2018 १४:००:१० मा प्रकाशित

काठमाडाैं- नेपाल विद्यार्थी संघको विधान केन्द्रीय कार्य समितिमा बहुमतले पारित भएपछि पौडेल र सिटौला समूह संस्थापन पक्षसँग रुष्ट बनेको छ। यी दुई समूहले रणनीति तय गर्न छुट्टै भेला बाेलाउने तयारीमा छन्। 

_x000D_ _x000D_

आन्तरिक रणनीति तय गर्न भन्दै पौडेल समूहले बुधबार बेग्लै भेला डाकेको छ। वनस्थली आसपास हुने भेलाको समय भने निश्चित गरिएको छैन। नेविसंघ पदाधिकारीको उमेर हद हटाउने पक्षमा रहेका कृष्णप्रसाद सिटौला समूहका नेताहरु पनि सहभागी हुने बताइएको छ।

_x000D_ _x000D_

गत आईतबार बसेको केन्द्रीय कार्य समितिको बैठकले नेविसंघ पदाधिकारीको उमेर हद ३२ वर्ष कायम गरेपछि अब कसरी अघि बढ्ने भनी छलफल गर्न बैठक बाेलाइएकाे हो। 

_x000D_ _x000D_

उक्त निर्णयप्रति शीर्ष चार नेताले फरक मत राखेका थिए। नेविसंघ कार्य समितिले पारित गरी पठाएको विधानभन्दा फरक विधान बैठकमा पेश भएको भन्दै नेताहरुले आपत्ति जनाएका थिए। असन्तुष्ट पक्ष बिहिबारका लागि तय गरिएको केन्द्रीय समितिको बैठक बहिष्कार गर्ने मनसायमा छ।