काठमाडौं– साफ यू–१८ महिला च्याम्पियनसिपको उपाधिको जित्ने नेपालको लक्ष्य असफल भएको छ। भुटानको राजधानी थिम्पुस्थित चाङलिमिथाङ मैदानमा आइतबार भएको उपाधि भिडन्तमा नेपाललाई बंगलादेशले १–० गोलले पराजित गरेको हो।
_x000D__x000D_
पहिलो हाफमा दुवै टिमले गोलरहित बराबरी खेलेका थिए। तर दोस्रो हाफको सुरुवातमै बंगालदेशले नेपालविरुद्ध गोल गर्दै अग्रता लिन सफल भयो। ४९ औं मिनेटमा बंगलादेशका लागि मसुरा परविनले फ्रिकिक बलमा गोल गरेकी थिइन्। सिक्स यार्डमा रहेकी उनले नेपाल डिफेन्डरलाई छक्काउदै गोल गरेकी थिइन्।
_x000D__x000D_
_x000D__x000D_
खेलमा पछि परेपछि नेपालले बंगलादेशमाथि दबाब बढाएको थियो। ५१ मिनेटमा नेपालको गोल गर्ने प्रयासमा क्रसबार बाधक बनेको थियो। त्यसपछि बंगलादेशले नेपालमाथि लगातार आक्रमण गरेको थियो। जसले गर्दा नेपाली खेलाडी दबाबमा आएका थिए।
_x000D__x000D_
_x000D__x000D_
यसअघि सेमिफाइनलमा नेपालले भारतलाई पेनाल्टी सुटआउटमा ३–२ गोलले पराजित गर्दै फाइनलमा स्थान पक्का गरेको थियो। बंगलादेशले भने आयोजक भुटानलाई हराउँदै नेपालसँगको उपाधि भिडन्त पक्का गरेको हो।
_x000D__x000D_
त्यसअघि समूह चरणमा नेपालले पाकिस्तानलाई १२–० ले पराजित गरेको थियो। समूह चरणको दोस्रो खेलमा भने नेपाल पराजित भएको थियो। नेपाललाई बंगलादेशले २–१ गोलले हराएको थियो।
_x000D__x000D_
_x000D__x000D_
नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।