रुपन्देहीमा भन्सार छलेर ल्याइएका सामान सहित दुई पक्राउ

नेपाल लाइभ | २०७५ असोज २० शनिबार | Saturday, October 06, 2018 ०२:०७:२१ मा प्रकाशित

बुटवल– सशस्त्र प्रहरी बलको रुपन्देहीस्थित राजस्व भन्सार सुरक्षा गुल्मले भन्सार छलेर नेपाल भित्र्याउन लागिएका सामानसहित दुई भारतीय नागरिकलाई पक्राउ गरेको छ। 

_x000D_ _x000D_

सशस्त्र प्रहरी निरीक्षक सुरज रिजालको नेतृत्वमा खटिएको टोलीले रुपन्देही सिद्धार्थनगर नगरपालिका–१ बेलहियामा जाँच गर्ने क्रममा डिएल ११ सिए ८८४१ नम्बरको भारतीय महेन्द्र केयुभी गाडीमा भारतको झजर अग्रवाल कलोनी, ७ बस्ने ३१ वर्षीय गौरव गोयल र २८ वर्षीय अकिंत गोयलबाट १६ लाख २ हजार बराबरको सामान बरामद गरेर गाडी सहित उनीहरूलाई भैरहवा भन्सार कार्यालयमा बुझाएको छ। 
_x000D_
_x000D_ सशस्त्र प्रहरी नायब उपरीक्षक गोविन्द खातीका अनुसार पछिल्लो एक महिनामा मात्र सशस्त्र प्रहरीले भन्सार छलेर नेपाल भित्र्याइएका ३० लाख भन्दा बढीका विभिन्न प्रकारका सामान बरामद गरेको छ। रासस