रोनाल्डो र सलाहलाई पछि पार्दै मोड्रिक उत्कृष्ट वर्ष खेलाडी

नेपाल लाइभ | २०७५ असोज ९ मंगलबार | Tuesday, September 25, 2018 ०२:५६:०१ मा प्रकाशित

लन्डन– क्रोएसियाका कप्तान लुका मोड्रिक विश्वकपको उत्कृष्ट पुरुष वर्ष खेलाडी घोषित भएका छन्। मोड्रिकलाई अन्तर्राष्ट्रिय फुटबल महासंघ (फिफा) ले सोमबार राति लन्डनमा आयोजन समारोहमा फिफा वर्ष खेलाडीको अवार्ड प्रदान गरेको हो।

_x000D_ _x000D_

स्पेनिस क्लब रियल म्याड्रिडका ३३ वर्षीय मिडफिल्डर मोड्रिकले पोर्चुगलका क्रिस्टियानो रोनाल्डो र इजिप्टका मोहमद सलालाई पछि पारेर अवार्ड हात पारेका हुन्। रोनाल्डो यसै सिजन रियल म्याड्रिड छाड्दै इटालीयन क्लब इभेन्ट्समा आवद्ध भएका थिए। सलाह इंग्लिस क्लब लिभरपुलमा आवद्ध छन्।

_x000D_ _x000D_

विश्वभरबाट फ्यान, राष्ट्रिय कप्तान र प्रशिक्षकहरुले दिएको मत मध्ये मोड्रिकले २९.०५ प्रतिशत भोट पाए। रोनाल्डोले १९.८ र सलाहले ११.२३ प्रतिशत भोट पाए।

_x000D_ _x000D_

गत सिजन मोड्रिकले रियल म्याड्रिडका लगि लगातार तेस्रो वर्ष युरोपियन च्याम्पियन्स लिगको उपाधि उचालेका थिए।

_x000D_ _x000D_

त्यस्तै गत जुलाईमा सकिएको फिफा विश्वकपमा पनि मोड्रिकले आफ्नो कप्तानीमा क्रोएसियालई फाइनलको यात्रा गराएका थिए। फाइनलमा भने मोड्रिकको क्रोएसिया फ्रान्स ४–२ ले पराजित भएको थियो। 

_x000D_ _x000D_

योसँगै मोड्रिकले सन् २००७ पछि रोनाल्डो र लिओनल मेसीले वर्ष खेलाडीमा गरेको एक छत्र राज तोडेका छन्। सन् २००७ मा ब्राजिलका काकाले अवार्ड हात पारेपछि रोनाल्डो र मेसीबाहेक अन्य खेलाडीले अवार्ड जित्न सकेका थिएनन्। 

_x000D_ _x000D_

यता ब्राजिलकी फरवार्ड मार्ता महिला वर्ष खेलाडी घोषित भएकी छिन्। विश्वविजेता फ्रान्सका प्रशिक्षक डिडियर डेस्चाम्स उत्कृष्ट प्रशिक्षक चुनिए।

_x000D_ _x000D_

_x000D_ _x000D_

उत्कृष्ट वर्ष खेलाडी घोषित हुन नसकेपनि सलाहले पुस्कस अवार्ड भने हात पारे। उनलाई गत डिसेम्बरमा प्रिमियर लिगअन्तर्ग इभर्टनबिरुद्ध गरेको गोलका लागि सो अवार्ड दिइएको हो। 
_x000D_ उत्कृष्ट गोलकिपर बेल्जियमका थिबाउट कोउटोइसले प्राप्त गरे। 

_x000D_ _x000D_

पेरुका समर्थकलाई फिफा फ्यान अवार्ड प्रदान गरियो। सन् १९८२ पछि पहिलो पटक विश्वकपमा पुगेपछि गत जुन–जुलाईमा पेरुका हजारौं फ्यान रसिया पुगेका थिए।

_x000D_ _x000D_

_x000D_ _x000D_

_x000D_ _x000D_

_x000D_ _x000D_