बालिका बलात्कार गर्ने युवक पक्राउ

नेपाल लाइभ | २०७५ असोज ८ सोमबार | Monday, September 24, 2018 १३:२९:३५ मा प्रकाशित

भद्रपुर– झापाको हल्दिबारी गाउँपालिकामा चार वर्षीया बालिका बलात्कृत भएकी छिन्। जिल्ला प्रहरी कार्यालय झापाका अनुसार हल्दिबारी–३ जलथलकी बालिकालाई सोही वडाका २१ वर्षीय युवकले बलात्कार गरेको प्रारम्भिक अनुसन्धानले देखाएको प्रहरीले जनाएको छ। 

_x000D_ _x000D_

बालिका बलात्कार गरेको उजुरीका आधारमा जिल्ला प्रहरी कार्यालय झापाले अभियुक्तलाई पक्राउ गरिसकेको प्रहरी नायब उपरीक्षक तथा प्रवक्ता जीतेन्द्रकुमार बस्नेतले जानकारी दिए। 

_x000D_ _x000D_

प्रहरीका अनुसार आइतबार दिउँसो छिमेकी बालिकालाई साइकलमा राखेर युवकले घुमाउन लगेका थिए । नाताले मामा पर्ने युवकले जलथलको जङ्गलमा बालिकालाई बलात्कार गरेका थिए। 

_x000D_ _x000D_

अपराह्न घर फर्किएकी बालिकाको योनीमा रगत देखेपछि परिवारले प्रहरीमा उजुरी दिएका थिए । सोही उजुरीका आधारमा प्रहरीले आइतबार राति नै युवकलाई पक्राउ गरी घटनाको अनुसन्धान भइरहेको प्रवक्ता बस्नेतले बताए। यसअघि गत साउन २० गते झापाकै अर्जुनधारा नगरपालिका वडा नं २ मा छिमेकी १५ वर्षीय युवकले चार वर्षीया बालिकालाई बलात्कार गरेका थिए। 

_x000D_ _x000D_

रासस