बाजुरामा लुकाएर राखेको १६ लाखको जडिबुटी बरामद

नेपाल लाइभ | २०७५ असोज ६ शनिबार | Saturday, September 22, 2018 ०२:२४:३७ मा प्रकाशित

बाजुरा– जिल्लाको बुढीनन्दा नगरपालिका–४ कुरुका विभिन्न सामुदायिक वनबाट गैरकानुनी रुपमा जटीबुटी चोरी निकासी भइरहेको खुलासा भएको छ। 

_x000D_ _x000D_

राष्ट्रिय तथा सामुदायिक वनमा वन डिभिजन कार्यालयबाट निरन्तर अनुगमन नहुँदा ठेकेदार मार्फत मनोमानी गरेकाले जडीबुटीको तस्करी बढेको हो। 

_x000D_ _x000D_

तस्करी बढेको भन्दै स्थानीयबासीले उजुरी गरेपछि कुरुका माने रोकायाले संकलन गरेको करीब १६ लाख बराबरको १ हजार १२ किलो ‘सेतक चिनी’ नामको जडीबुटी जंगलको बीचमा ढुंगाको ओडारमा लुकाएर राखेको अवस्थामा बरामद गरिएको उक्त कार्यालयका प्रमुख दानबहादुर श्रेष्ठले बताए। 

_x000D_ _x000D_

बाजुरालगायत नेपालका ९ वटा जिल्लामा मात्र पाइने यो जडीबुटी ठेकेदार जङ्गवीर बोहराले रातारात लुकाएको र केही जडीबुटी खोलामा बगाएकोे अवस्थामा फेला परेको कोल्टी इलाका वन कार्यालयका प्रमुख रेञ्जर दिलीपकुमार यादवले बताए। 

_x000D_ _x000D_

नेपाली बजारमा मूल्य प्रतिकेजी ५ सय देखि ७ सय सम्म पर्ने यो जडिबुटी यहाँबाट प्रत्येक वर्ष १ लाख १९ हजार केजी संकलन गर्न पाउने गरी अनुमति दिइएको जिल्ला वन कार्यालयले जनाएको छ। 

_x000D_ _x000D_

यो जडीबुटी संकलन गरेबापत ठेकेदारले प्रतिकेजी रु ५ राजस्व तिर्नुपर्ने हुन्छ। यसको माग बढेसँगै मनोमानीरुपमा संकलन पनि बढ्दै गएको र लगातार जडीबुटी संकलनले वन नै सखाप भएकाले यसलाई बन्द गराउनका लागि उक्त कार्यालयमा ज्ञापनपत्र बुझाइएको हिमाली जडीबुटी व्यवसायी संघका अध्यक्ष बलबहादुर थापाले बताए। 

_x000D_ _x000D_

तस्करले वनका कर्मचारीको मिलोमतोमा कर्णालीको बाटो भएर भारत र हुम्लाबाट चीनतिर पठाउनेसमेत गरको आरोप लगाउँदै उनले भने, ‘सेतक चिनी, भुल्तेलगायत बहुमूल्य जडीबुटी पनि अवैधरुपले जिल्ला बाहिर निकासी हुँदा पनि सम्बद्ध निकायले बेवास्ता गरेको गर्दै आएको थियो।’ रासस