नेपाल चिकित्सक संघले ६ हजार डाक्टरको लाइसेन्स सरकारलाई बुझायाे

Nepal Live

 नेपाल चिकित्सक संघले ६ हजार भन्दा बढी डाक्टरको नेपाल मेडिकल काउन्सिल प्रमाण पत्र (लाइसेन्स) सरकारलाई बुझाएको छ। संघले आइतबार काउन्सिलमा लगेर डाक्टरहररूको लाइसेन्स बुझाएको हो।

डाक्टरले लाइसेन्स बुझाएपछि बिरामी जाँच गर्न पाउँदैनन्। संघले देशभरका १६ शाखाबाट ६ हजार भन्दा बढी लाइसेन्स संकलन गरेको थियो। संकलन भएका सबै लाइसेन्स संघका अध्यक्ष डा मुक्तिराम श्रेष्ठको नेतृत्वमा दिउँसो पौने दुई बजे नेपाल मेडिकल काउन्सिल पुगेर लाइसेन्स तथा हस्ताक्षर बुझाएको हो।

भदौ १ गतेदेखि लागू भएको मुलुकी अपराध (संहिता)मा चिकित्सक तथा स्वास्थ्यकर्मीहरुसँग सम्बन्धित व्यवस्था खारेजीको माग गर्दै विरोधमा उत्रेको संघले सरकारलाई दवाव दिन लाइसेन्स बुझाउने निर्णय गरेको हो। 

काउन्सिलको तथ्यांक अनुसार नेपालमा २२ हजार डाक्टरले लाइसेन्स लिएका छन्।

 

प्राप्त प्रतिकृयाहरू

उदय पौडेल
गलत कार्य को सबैले मिलेर भत्सर्ना गरौ,अनि सरकार लाई सबैले मिलेर,एकजुट भई अगाडि बढ्न प्रोत्साहित गरौ

Puspa Dhungana
यो गलत काम हो। मैमत्त डाक्टर गरिबको पहुँचबाट टाढा छन्। यिनीहरुले धेरै कमजोरी गरेका छन् तेसैले यो लुकाउन र सरकारलाई घुँडा टेकाएर अफू अझ गलत काम गर्न उन्मुख हुन यो काम गरिरहेका छन्।

तपाईको प्रतिक्रिया

यसमा तपाइको मत


सम्बन्धित समाचार