काठमाडौं– २०७२ वैसाश १२ को भूकम्पपछि तहसनहस बनेको अपार्टमेन्ट व्यवसाय अझै तंग्रिन सकेको छैन।
भूकम्पले क्षति पुर्याएका ५१ मध्ये ३२ वटा अपार्टमेन्ट मात्र बस्न योग्य रहेको शहरी विकास तथा भवन निमार्ण विभाग डिभिजन कार्यालयले जनाएको छ। भूकम्पले पुर्याएको क्षतिपछि आवश्यक प्रक्रिया पुर्याएर मर्मत गरेपछि यी अपार्टमेन्ट बस्न योग्य भएको डिभिजन कार्यालयका वरिष्ठ इन्जिनियर तथा सूचना अधिकारी लिला खतिवडाले बताए।
क्षति पुगेका बाँकी १९ मध्ये थप ९ वटा अपार्टमेन्ट बस्न मिल्नेगरी तयार भई डिभिजन कार्यालयमा स्वीकृतिको प्रक्रियामा रहेको खतिवडाले बताए। ७ वटा अपार्टमेन्ट मर्मतको प्रक्रियामा रहे पनि उनीहरुले हालसम्म पनि कार्यालयमा विवरण बुझाएका छैनन्।
यता, भूकम्पले क्षति पुर्याएका ३ वटा अपार्टमेन्ट भने ३ वर्ष बितिसक्दा पनि सम्पर्कमा नआएको खतिवडाले जानकारी दिए। टेकुस्थित सिग्नेचर–१ तथा सिग्नेचर–२ र शंखमूलस्थित बाग्मती अपार्टमेन्ट मर्मतका सम्बन्धमा हालसम्म सम्पर्कमा अएका छैनन्।
भूकम्पले क्षति पुर्याएका ५१ मध्ये बस्न योग्य ३२ अपार्टमेन्टः
१. ओरियन्टल अपार्टमेन्ट, धुम्बाराही
२. टिसिएच हाउजिङ, लाजिम्पाट
३. भाटभटेनी अपार्टमेन्ट, भाटभटेनी
४. इन्द्रेनी अपार्टमेन्ट–१, भाटभटेनी
५. इन्द्रेणी अपार्टमेन्ट–२, भाटभटेनी
६. सनराइज अपार्टमेन्ट, बालकुमारी
७. सेन्ट्रल पार्क, विशालनगर
८. सिटी स्पेस, हात्तिवन
९. सिटी भ्यू अपार्टमेन्ट, सानेपा
१०. सिभिल अपार्टमेन्ट, धापाखेल
११. अम्बे अपार्टमेन्ट
१२. बज्र सांग्रिला, झम्सीखेल
१३. सेन्ट्रल पार्क, विशालनगर
१४. डाउनटाउन अपार्टमेन्ट, धापाखेल
१५. इम्पेरियल कोआर्ट, सानेपा
१६. केयल रेसिडेन्सी, सानोगौचरन
१७. मर्करी अपार्टमेन्ट, सानेपा
१८. मेट्रो अपार्टमेन्ट, कुलेश्वर
१९. प्रस्टिज अपार्टमेन्ट, चन्डोल
२०. रिआर्टलेट अपार्टमेन्ट, विजेश्वरी
२१. सिल्भर सिटी अपार्टमेन्ट, कालिकास्थान
२२. सिल्भर सिटी अपार्टमेन्ट, कालिकास्थान
२३. सनसिटी अपार्टमेन्ट–१, गोठाटार
२४. सनसिटी अपार्टमेन्ट–२, गोठाटार
२५. सनराइज सिटी होम्स, बिजुलीबजार
२६. सनसाइन अपार्टमेन्ट, सुकेधार
२७. वोइस्टार प्रोपर्टी–१, बालकुमारी
२८. वोइस्टार प्रोपर्टी–२, बालकुमारी
२९. वोइस्टार प्रोपर्टी–३, बालकुमारी
३०. ग्रान्डी टावर–१, टोखा
३१. ग्राण्डी टावर–२, टोखा
३२. रिओ अपार्टमेन्ट, जावलाखेल
३ वर्षमा एउटा मात्रै अपार्टमेन्टलाई निर्माण स्वीकृति
भकम्प गएको ३ वर्ष बितिसक्दा एउटा मात्रै अपार्टमेन्टले निर्माण स्वीकृति पाएको छ। यस अवधिमा जम्मा २ वटा अपार्टमेन्टले मात्र निमार्णका लागि अनुमति माग गरेको भए पनि एउटा मात्रै अपार्टमेन्टलाइ सञ्चालनका लागि स्वीकृति मिलेको सहरी विकास तथा भवन निमार्ण विभाग डिभिजन कार्यालयले जनाएको छ।
प्रिमियर र नन्दनन्दन अपार्टमेन्टले सञ्चालन अनुमतिका लागि आवेदन दिएकोमा प्रिमियर अपार्टमेन्टले मात्रै अनुमति पाएको सूचना अधिकारी लीला खतिवडाले बताए। ‘प्रिमियर अपार्टमेन्टले आवश्यक प्रक्रिया पूरा गरेकाले अनुमति दिइएको हो। नन्दनन्दन अपार्टमेन्टले बाटो लगायतको प्रक्रिया पुर्याएको थिएन र अनुमति पाएन।’, खतिवडाले भने।
प्रिमियर अपार्टमेन्ट सिई रियलस्टेट अन्तर्गत सञ्चालनमा आउन लागेको हो। हालसम्म मुलुकमा ६७ वटा अपार्टमेन्टहरु निर्माण भइसकेको डिभिजन कार्यालयले जनाएको छ।
२०६४ सालदेखि आकर्षणको केन्द्र बनेको अपार्टमेन्ट व्यवसाय २०७२ सालको भूकम्पपछि सुस्ताएको हो। २०६१ सालमा एउटा अपार्टमेन्टले निर्माण स्वीकृति लिएकोमा त्यस्तो संख्या २०७१ सालको अन्त्यसम्म आइपुग्दा ७१ पुगेको थियो।
२०६४ मा ७ वटा, २०६५ मा २३, २०६६ मा १२, २०६७ मा ७ र २०६८ मा ८ वटा अपार्टमेन्ट दर्ता भएका थिए। त्यस्तै, २०६९ र २०७० मा भने ४÷४ वटा अपार्टमेन्ट निर्माणका लागि अनुमति माग्न कार्यालयमा निवेदन पेश भएको थियो।
नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।