शिवम् सिमेन्टले उद्योग प्रभावितको लागि साउन १३ बाट आइपिओ जारी गर्ने

Nepal Live

काठमाडौं– शिवम् सिमेन्टले पहिलो चरणमा उद्योग प्रभावित क्षेत्रको लागि साउन १३ गतेदेखि साधारण सेयर (आइपिओ) जारी गर्ने भएको छ। शिवम्ले प्रतिसेयर १ सयमा प्रिमियम रकम २ सय थपेर ३ सय रुपैयाँ अंकित मूल्यमा आइपिओ जारी गर्न लागेको हो।

कम्पनीले जारी गर्न लागेको ८ लाख ८० हजार कित्ता आइपिओमा भदौ ११ गतेसम्म मकवानपुर जिल्लाका बासिन्दाले मात्र आवेदन दिन सक्नेछन्।

स्थानीय बासिन्दाले न्यूनतम १० कित्तादेखि अधिकतम १ हजार कित्तासम्मका लागि आवेदन दिनसक्ने धितोपत्र निष्कासन तथा बिक्री प्रवन्धक सिद्धार्थ क्यापिटलले जनाएको छ।

इक्रा नेपालले गरेको क्रेडिट रेटिङ अनुसार कम्पनीको क्रेडिट रेटिङ ‘इक्रा एनपी आइपिओ ग्रेड – ३ प्लस’ रहेको छ। यस्तो ग्रेडले औषत आधारहरु जनाउँछ।

कम्पनीको स्थिर सम्पति ४ अर्ब १९ करोड रुपैयाँलाई आधार मान्दा उद्योगको साधारण लगानी अबको २ वर्ष ६ महिनामा फिर्ता हुने अनुमान गरिएको छ। कम्पनीको संस्थापक शेयर पूँजी ८८ प्रतिशत अर्थात तीन अर्ब ८७ करोड रुपैयाँ रहेको छ भने बाँकी सर्वसाधारणतर्फको १२ प्रतिशत अर्थात ५२ करोड ८० लाख रुपैयाँसहित जम्मा पूँजी ४ अर्ब ४० करोड रुपैयाँ रहेको छ।

आइपिओ आवदेनको लागि धितोपत्र बोर्डबाट आस्वा सदस्य बैंक तथा वित्तीय संस्थाहरुबाट पाइनेछ।
 

तपाईको प्रतिक्रिया

यसमा तपाइको मत


सम्बन्धित समाचार