ad

'गृहमन्त्रीको आदेश'मा ट्रमा सेन्टरका डाक्टरलाई 'अपहरण शैली'मा गृह मन्त्रालय लगियो, गलत मेडिकल रिपोर्ट बनाउन दबाब

सामन्य कुराकानी भएको हो, यो कुरा सक्किसक्योः गृहमन्त्रीका सल्लाहकार

Nepal Live

फाइल तस्बिर


काठमाडौं- गृहमन्त्री रामबहादुर थापा ‘बादल’को आदेशमा वीर अस्पताल परिसरमा रहेको ट्रमा सेन्टरमा कार्यरत एक डाक्टरलाई 'अपहरण शैली'मा गृह मन्त्रालय लगेर धम्की दिइएको छ।

अस्पतालको ओपिडीमा बिरामी जाँचिरहेका डा भोजराज अधिकारीलाई मंगलबार दिउँसो गृह मन्त्रालयकै गाडीमा मन्त्रालय लगेर धम्की दिइएको हो। डा अधिकारीलाई गलत मेडिकल रिपोर्ट बनाउन दबाब दिइएको छ। 

'मन्त्रालयमा गृहमन्त्रीले बोलाएको छ' भनेर करिब १ घन्टा राखेपछि गृहमन्त्री थापाका राजनीतिक सल्लाहाकार सूर्य सुवेदी पथिकले गलत रिपोर्ट ‘बनाउनुहोस्’ भन्दै दबाब दिएका हुन्।

डा अधिकारीले ३४ वर्षभन्दा लामो चिकित्सकीय अभ्यासका क्रममा ‘मेडिकल इथिक्स’भन्दा बाहिर बसेर काम नगरेको भन्दै गलत रिपोर्ट नबनाउने अडान राखेपछि छाडिएको थियो। 

डा अधिकारीले गृहमन्त्रालयमा आफूलाई कैदीलाई झैँ केरकार गरिएको बताए। ‘उहाँहरुले मलाई निकै तनाव दिनुभयो। प्रहरीले कैदीलाई केरकार गरेझैँ गर्नुभयो,’ डा अधिकारीले भने, ‘यसले मलाई निकै चित्त दुखेको छ। गृहमन्त्रीको सल्लाहकारले मलाई हाम्रो महान् योद्धाहरुले भने अनुसारकै रिपोर्ट बनाउनुहोस् भन्दै निर्देशनात्मक आदेश दिए।’

डा अधिकारीले आफूले आजसम्म चिकित्सकीय मर्यादा विपरीत काम नगरेका कारण यो कुरामा पनि जे सत्य हो त्यही लेख्छु भनेर जानकारी दिएको बताए। 

डा अधिकारीलाई मन्त्रालयमा बोलाइएको विषय सल्लाहकार सुवेदीले समेत स्वीकार गरे। उनले सुरुमा यो कुरा सक्किसकेको भन्दै कुराकानी गर्न मानेका थिएनन्। तर, ‘तपाईंहरुले गलत मेडिकल रिपोर्ट बनाउन दबाब दिनुभएछ नि’ भन्ने प्रश्नपछि उनले कुराकानी गरेका थिए। 

‘सामान्य छलफलका लागि बोलाइएको हो, उहाँसँग राम्रै कुरा भएको छ। गलत भएको छैन,’ उनले भने, ‘घाइतेहरुको विषयमा कुराकानी भएको हो। गलत रिपोर्ट किन बनाउने हो र सही रिपोर्ट नै बनाउने हो नि। यो कुरा सिद्धिहाल्यो नि अब। केही छैन, अब यो विषयमा उतै कुरा गर्नुहोस्।’

बिरामी जाँचिरहेको अवस्थामा ‘अपहरण शैली’मा मन्त्रालय लगेर अनावश्यक दबाब दिएपछि डा अधिकारीले ट्रमा सेन्टरमा मानसिक तनाव दिइएको भन्दै निवेदन दिएका छन्। डा अधिकारीको निवेदनपछि अस्पतालले अर्को व्यवस्था नभएसम्मका लागि मेडिकल रिपोर्ट नबनाउने र अपाङ्गता सिफारिस नगर्ने निर्णय गरेको छ। 

यस्तो छ घटनाक्रम

मंगलबार मध्याह्न साढे १२ बजेतिर ओपिडीमा बिरामी जाँचिरहेका डा अधिकारीको कोठामा ८-१० जनाको हुल छिरेको थियो। उनीहरुले ओपिडीको चुकुल लगाउँदै डा अधिकारीलाई 'द्वन्द्वकालका घाइतेहरुको अपाङ्गताको रिपोर्ट बनाइदिनुहोस्' भन्दै दबाब दिए। उनीहरुले डा अधिकारीलाई 'हामीले जे भन्छौँ त्यही रिपोर्ट बनाउनुहोस्' भनेका थिए। डा अधिकारीले जे भन्यो त्यही होइन, जे सत्य छ त्यही बनाउँछु भन्ने जवाफ दिएको बताए। 

खाजा खाने समय भएका कारण अरु डाक्टर निस्किसकेका थिए। डा अधिकारी पनि त्यसपछि खाजा खान भन्दै निस्किए। करिब २ बजेतिर डा अधिकारीलाई गृहमन्त्रालयबाट फोन आयो। गृहमन्त्रीले भेट्न खोज्दै हुनुहुन्छ भनेर फोनमा भनेपछि डा अधिकारीले हुन्छ भने।

त्यसको केही समयपछि डा अधिकारीलाई लिन गृह मन्त्रालयबाट नै गाडी आयो। डा अधिकारीले गृहमन्त्रालयमा बोलाइएको जानकारी अस्पतालका निर्देशक र विभागीय प्रमुखलाई गराए। त्यसपछि उनलाई गृहमन्त्रालय पुर्‍याइयो। करिब १ घन्टा कुराइएपछि उनलाई गृहमन्त्रीका सल्लाहाकार सुवेदीले 'हाम्रा साथीहरुले भनेझैँ रिपोर्ट बनाउनुपर्यो, हाम्रा महान् योद्धाहरुले भने अनुसार नै गर्नुहोस्' भन्दै दबाब दिए। 

डा अधिकारीले आफूले ३४ वर्षसम्म गरेको काम बुझ्नुहोस्, म जे सत्य हो त्यही काम गर्छु भन्ने जवाफ दिए। डा अधिकारीलाई गृहमन्त्रीसँग पनि भेट गराइएन। त्यसपछि उनलाई छाडियो।

प्रवीण ढकाल

पत्रकार ढकाल स्वास्थ्यखबरका कार्यकारी सम्पादक हुन्

प्राप्त प्रतिकृयाहरू

Hajur Buwa
कति घिनलाग्दो कुरा हो आफ्नो ठाडो आदेस डाक्टरले मान्नैपर्ने रे यसरी कतिदिन चल्नेहो कामैनजानेका गृहमन्त्री ज्यु कतैतालिम गर्न जाने होकि कामको अनुभव नभएका लाइ एक्कासी कामगर्ने आउदैनत केगर्नु के गर्नु हुन्छ नि

Hajur Buwa
कति घिनलाग्दो कुरा हो आफ्नो ठाडो आदेस डाक्टरले मान्नैपर्ने रे यसरी कतिदिन चल्नेहो कामैनजानेका गृहमन्त्री ज्यु कतैतालिम गर्न जाने होकि कामको अनुभव नभएका लाइ एक्कासी कामगर्ने आउदैनत केगर्नु के गर्नु

कैलास दवाडी
हे भगवान यो देशमा कति अप्रिय घटना घटदै जाने हो?

Sabin adhikari
कुशल साम्यबादको सानो उदाहरण ,झिल्कोझिल्को हुँदै अगुल्टो बन्छ .....................

देव बहादुर महर्जन
राज्यले अहिले एउटा छद्म दस्ता तयार गरेको सुन्नमा आएको छ | उसको काम मान्छे लाइ अपहरण गर्ने धम्काउने , नमाने राजनैतिक आरोप लगाई मार्ने बेपत्ता पार्ने , आफ्नो उदेश्य अनुसार काम गराउने , र तेस्ता व्यक्तिलाई सरकार , गृहमन्त्री लगाएत कतिपय सभासद ले सम्र्क्षन् गर्ने गरेको छ | अब कोहि व्यक्ति लाइ कसैले अपहरण गरेर बेपत्ता गरे पनि अचम्म मान्नु पर्दैन |

राज
के गरुन बिचरा, जंगलमा सिकेको कुरा नै यही अपहरण त हो |

prakash bhattarai
हैट सबैतिर अपहरण शैली!

दीपक राज भट्ट
यदि यो सही हो भने यो सरकारको दिनगन्ती सुरु भयो हैन भने समाचार सम्प्रेषण गर्ने लाई मजाले कार्वाही गर्नुपर्छ ता कि सबै सचेत होऊन

Pancha Thalang
अधिनायकवाद लागू भइ सक्यो देशमा । हिजो अधिनायकवाद आउछ भन्दा अपत्याउने जनता ले अब बिस्तारै चाख्ने बेला भयो !

Uday shankar
कतै यो संकटकालको अकोॅ रूप त होइन ?

आम नेपाली
सम्मानीय प्रधानमंत्री ज्यू, यस्तो माहोलमा कसरी विग्य हरुले तपाईलाई सहयोग गर्न सक्छन्?

Bibek Rawal
अधिनायकवाद लागू भेैसकेछ मेरो देदेशमा । घरबाट निस्कन पनि डर भयो-- कति बेला राज्यको अपहरण मा परीन्छ ।

दीपक गौतम
नेपाल को कर्तव्य निस्ट हरूलाई कर्तव्य बाट हटाउने र कार्य गर्न न दिने यो सरकार को निती नै हो ।

तपाईको प्रतिक्रिया

यसमा तपाइको मत


सम्बन्धित समाचार