काठमाडौं– नेपाल गुणस्तर तथा नापतौल विभागले गुणस्तर चिह्न (एनएस) नलिई नक्कली एनएस चिह्न लगाएर सञ्चालन गरेका उद्योग बन्द गराएको छ।
विभागले ओडीएटी फुड एण्ड वेभरेज प्रालिले विभागबाट अनुमति नलिई ‘प्रान पोट्याटो क्य्राकर’मा एनएस चिह्न लगाएर बिक्री वितरण गरेपछि बुधबार उद्योगमा शिलबन्दी गरेको हो।
कम्पनीले काठमाडौँको मूलपानीमा उत्पादन भएको २५ ग्राम प्याकिङ साइजलाई विभागबाट अनुमति नलिई एनएस चिह्न राखेको अनुगमनमा भेटिएपछि कम्पनीलाई शिलबन्दी गरी कारबाही गरिएको विभागका महानिर्देशक विश्वबाबु पुडासैनीले जानकारी दिए।
‘कम्पनीले स्वीकृति नलिई वर्षौंदेखि आफ्नो उत्पादनमा एनएस लोगो छापेर सामान बिक्री गर्दै आएको फेला परेको छ।,’ महानिर्देशक पुडासैनीले भन।
गुणस्तरबाट एनएस चिह्न लिन उद्योगीले नियमानुसार उत्पादन गर्नुपर्ने हुन्छ। उनीहरुको गुणस्तरबारेमा विभागले परीक्षण गरेपछि मात्रै सरकारले एनएस चिह्न उपलब्ध गराउने गरेको छ।
विभागले अनुगमनमा भेटिएको १ सय ३१ कार्टुन ‘प्रान पोट्याटो क्य्राकर’मा शिलबन्दी गर्नुका साथै सम्पूर्ण व्यवसायीलाई उक्त ‘प्रान पोट्याटो क्य्राकर’ नबेच्नसमेत निर्देशन दिएको छ। रासस
नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।