डा उपेन्द्र देवकोटाको निधन

Nepal Live

फाइल तस्बिर


काठमाडौं- एसियाकै चर्चित न्युरो सर्जन डा उपेन्द्र देवकोटाको निधन भएको छ। पित्तनलीको क्यान्सरबाट ग्रसित डा देवकोटाको बाँसबारीस्थित आफ्नै अस्पतालमा उपचारका क्रममा आज साँझ ५ बजेर ३५ मिनेट जाँदा निधन भएको हो।

उपचारका लागि गत मंसिर पहिलो साता बेलायत पुगेका उनी त्यहाँ पनि उपचार हुन नसकेपछि नेपाल फर्किएका थिए। बेलायतको किङ्स कलेज हस्पिटलमा उपचार सम्भव नभएपछि बाँकी जीवन नेपालमै बिताउने डा देवकोटाको इच्छा अनुसार नै नेपाल ल्याइएको थियो।

वैशाख १५ गते नेपाल ल्याइएका डा देवकोटाको न्युरो अस्पतालको भिआइपी वार्डमा राखेर उपचार भइरहेको थियो। उनको अवस्था थप जटिल बन्दै गएपछि आयुर्वेदिक उपचार पनि गराइएको थियो। आफ्नो करिअरको ३४ वर्षको अवधिमा २५ हजार भन्दा बढीको शल्यक्रिया र १० लाख भन्दा बढी बिरामी जाँचेका डा देवकोटा क्यान्सरसँग आज पराजित भएका हुन्।

डा देवकोटालाई पित्तवाहिनी नलीको क्यान्सर मेडिकल भाषामा बाइल डक्ट क्यान्सर (कोलान्जिओकार्सिनोमा) भएको थियो। 

डा देवकाटाले एमबिबिएस सकेपछि सन् १९८६ मा डा मधु दीक्षितसँग विवाह गरेका थए। उनका तीन छोरी छन्।

गोरखाको अमरज्योति जनता मावि लुईंटेलबाट विद्यालय शिक्षा पूरा गरेका उपेन्द्रले विद्यालय तह होस् या कलेज वा चिकित्साशास्त्रको पढाई, सधै अब्बल विद्यार्थी सावित भएर देखाए। वीर अस्पतालमा २५ वर्ष सेवा गरेका उनी अहिले बाँसबारीस्थित न्युरो हस्पिटलमार्फत् बिरामीको सेवा गरिरहेका थिए। ७ महिना स्वास्थ्यमन्त्री हुँदा उनले थुप्रै राम्रा कामको सुरुवात गरेका थिए।

शिक्षा मन्त्रालयको छात्रवृत्तिमा उनले भारत आसाम मेडिकल कलेजबाट एमबिबिएस गरेका हुन्। त्यहाँबाट फर्किएपछि उनले एक वर्ष चिकित्साशास्त्र अध्ययन संस्थान महाराजगञ्ज क्याम्पसमा हेल्थ असिष्टेन्टलाई पढाएका थिए। त्यसको अर्को वर्ष लोकसेवा पास गरेर वीर अस्पतालमा पोष्टिङ भएका थए।
पाँच वर्ष मेडिकल अफिसरको रुपमा वीरको सर्जरी विभागमा काम गरे। त्यसपछि उनी न्युरोसर्जरी पढ्न बेलायत गएका हुन्। चिकित्साशास्त्रमै सबैभन्दा जटिल विधा न्युरोसर्जरी उनले तालिम अवधि नसकिँदै पास गरेका थए। त्यो कुरालाई बेलायतीले पनि सम्मान गरेका थिए। नेपालमा सिकेको विद्यार्थीको यो स्तर देखेपछि उनीहरुले अर्को वर्षदेखि नेपालमा ‘एफआरसिएस’ को परीक्षा केन्द्रं राखेका थिए।
पढाईपछिको तालिमका करिब ६ वर्ष उनले सिटि स्क्यान आविष्कारमा नोबेल पुरस्कारप्राप्त संस्थामा समेत काम गर्ने अवसर पाएका थिए।
उनलार्इ तत्कालिन समयमा बेलायतमा बस्न अवसर दिइएको थियो। तर, उनी नेपाल फर्किए। नेपाल फर्किएपछि उनकै नेतृत्वमा वीर अस्पतालमा सन् १९८९ मा न्युरोसर्जरी विभाग बनेको हो। वीर अस्पतालको सरकारी सेवामा उनले २५ वर्ष बिताए।
त्यसपछि उनले बाँसबारीमा न्युरो अस्पताल खोलेर सेवा दिन थालेका थिए। आफ्नो करिअरको ३४ वर्षमा उनले २५ हजार भन्दा बढी शल्यक्रिया र १० लाख भन्दा बढीलार्इ जाँच गरेका छन्।

प्राप्त प्रतिकृयाहरू

शिव शपकोटा
आज देसले एक असल सम्पति गुमाएकोछ। मृतआत्म को चिरशान्तिको कमना गर्दछू!!!!RIP.

Soodeep
हे मेरो दुर्गा अझै कति बज्रपात कती दुर्घटना बाकिछ चिना पल्ताएर आरामले दिदा हुन्छ ल मेरो मर्ने दिन अनि केहि गर्छु भन्ने हौसला अझै मरेको छैन किन कि उहा हाम्रो भागबान हुनु हुन्छ हो तेती सजिलै केहि हुँदैन ल .....!!!

Ashok Rokaya
हार्दिकश्रदांजली,नेपाले स्वस्थे क्षत्रमा ठुलै क्षति व्यहोरेको छ।

Chitra Bahadur Kc Timilsina
💐🌹🌻ॐनम:शिवाय ! “थोत्रा पुराना लुगा ती फाली, अरू नयाँ फेर्छ मनुष्य जाति ! त्यस्तै सबैले यो शरीर त्यागी, नयाँ अरूनै तन लिन्छ प्राणी”!! न्यायी नेता डाक्टर कोही छोड्दैन कालले ? हरेक पलपल याद गर्नु पर्छ मानव जातले ! यही सोच राखि सेवा गरौं देश र जनताको ! निस्वार्थले सेवा गरे हुन्छ सबको भलो “? सर्वज्ञ डा. उपेन्द्र देवकोटको निधनले अति दुखि तुल्यायो ! वहाँको स्वर्गीय आत्मालाई सदा चीरशान्ति मिलोस् हार्दिक श्रद्धासुमन अर्पण गर्दछु, साथै शोक सन्तप्त परिवारमा यो दु:खद क्षण सहन गर्न सक्ने शक्ति श्री पशुपतिनाथले प्रदान गरून् हार्दिक समवेदना छ !💐🌹🌻 यू एसबाट

Nabaraj Rai
ज्यादै दुखद खबर !! उहाँ को मृत्युको खबर संगै आज समस्त नेपालीहरुले यौटा चम्की रहेको तारा गुमाएका छौँ !! स्वास्थ्य क्षेत्रमा ठुलो क्षति हुन गएको छ !! डा. देबकोटा को आत्माले शान्ति पवोस अनि उहाँको परिवार र आफन्तजन लाई यो दुखद घडीमा भगवान ले शक्ति प्रदान गरुन !! RIP 💐😔🙏

Resham Lal Shrestha
समाचार सहि हो भने नेपालले आज देखि स्वास्थ्य क्षत्रको एक सिद्द हस्त ब्यक्ति गुमायो । दिवंगत आत्मालाई शान्ति मिलोस । शोक संतप्त परिवारजनलाई समवेदना।हार्दिक श्रद्दांजली ।

Sanu Kaji Sunam
It is a great lost for the Nation. He was extra ordinary person. I pray to God for his peaceful soul.

हार्दिक शृद्द्हंजली
Sarai dukh lagyo debkota ji ko nidhan le jo desh lai khacho xa tyo manuj lai kal le xito lane rahex uhako Vaikunta ma bas hos hardik shraddanjali

Niroj Pandit
RIP

तपाईको प्रतिक्रिया

यसमा तपाइको मत


सम्बन्धित समाचार