काठमाडौं- नेपाल विद्यार्थी संघको स्याड्जा–काठमाडौं सम्पर्क समितिको प्रथम अधिवेशनबाट दीपेन्द्र क्षेत्रीको नेतृत्वमा नयाँ कार्य समिति चयन भएको छ। क्षेत्रीको नेतृत्वमा ५१ सदस्यीय कमिटी गठन गरिएको छ।
नवनिर्वाचित क्षेत्री पेसाले इन्जिनियर हुन्। नेविसंघलाई एकीकृत र सशक्त ढंगले अघि बढाउन आफ्नो कार्यकालमा सशक्त भूमिका निर्वाह गर्ने नवनिर्वाचित सभापति क्षेत्रीले प्रतिबद्धता जनाएका छन्।
अधिवेशनका क्रममा बोल्दै पूर्वमन्त्री गोपालमान श्रेष्ठले विद्यार्थीहरुलाई वर्तमान सरकारका गलत क्रियाकलापविरुद्ध प्रतिवाद गर्न सुझाव दिएका थिए। कार्यक्रममा केन्द्रीय सदस्य धनराज गुरुङ, कांग्रेस स्याङ्जाका सभापति कमल प्रसाद पंगेनी, पूर्वसांसद मोहनप्रसाद पाण्डे लगायतले धारणा राखेका थिए।
नेविसंघ केन्द्रीय अध्यक्ष नैनसिंह महर, महामन्त्रीत्रय कुन्दनराज काफ्ले, सरोज थापा र आनन्द त्रिपाठीले सरकारको मूल्यवृद्धिका विरुद्धमा नेविसंघले आन्दोलन थप सशक्त बनाउने बताए।
नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।